કામની વાત / બિટકોઇને કરાવી તાબડતોડ કમાણી, તો IT રિટર્નને અપડેટ કરાવી દેજો, નહીંતર...!

Bitcoin ITR Filing: બિટકોઇન છેલ્લા એક અઠવાડિયામાં પોતાના ઓલ ટાઈમ હાઈ 123055 ડોલર પર પહોંચ્યા પછી, હવે 117000 ડોલર પર ટ્રેડ કરી રહ્યા છે. 11 જુલાઈ, 2024 પછીથી, તેની કિંમતમાં 90 ટકાનો વધારો જોવા મળ્યો છે. બિટકોઇનમાં આ તેજીથી રોકાણકારોને ખૂબ ફાયદો થયો છે. ભારતમાં ક્રિપ્ટોમાં રોકાણ કરવું જોખમી માનવામાં આવે છે કારણ કે તે કોઈપણ સંસ્થા દ્વારા નિયંત્રિત નથી.

પરંતુ જો તમે તેનાથી નફો કરો છો, તો સરકાર તેના પર 30 ટકાનો ભારે ટેક્સ વસૂલ કરે છે અને નિયમો અનુસાર, આ નફો ઇન્ફ્મ ટેક્સ રિટર્નમાં પણ બતાવવો પડે છે. સરકારે આ અંગેના ITR ફોર્મમાં પણ ફેરફાર કર્યા છે. અને જો તમે આમ નથી કરતા, તો તમારે દંડ ભરવો પડી શકે છે. તો ચાલો તેના વિશે વિગતવાર જાણીએ.

બિટકોઇન પર ટેક્સ કેવી રીતે લાગે છે?

ભારતમાં બિટકોઇનને વર્ચ્યુઅલ ડિજિટલ એસેટ (VDA) ગણવામાં આવે છે અને તેની કમાણી પર આવકવેરા કાયદાની કલમ 115BBH હેઠળ ટેક્સ લગાવવામાં આવે છે. નિયમો મુજબ, બિટકોઇનના વેચાણ અથવા ટ્રાન્સફરથી થતી આવક પર 30 ટકાનો ફ્લેટ ટેક્સ વસૂલવામાં આવે છે. આના પર કોઈ કપાત, ખર્ચ અથવા છૂટની મંજૂરી નથી.

ઉદાહરણ તરીકે, ધારો કે તમે 1000000 રૂપિયામાં બિટકોઇન ખરીદ્યા અને એક વર્ષ પછી 90 ટકા રિટર્ન મળ્યા પછી તેને 1900000 રૂપિયામાં વેચી દીધા. આ કિસ્સામાં, તમારો કુલ નફો 900000 રૂપિયા થશે. આવકવેરા કાયદાની કલમ 115BBH હેઠળ આ નફા પર 30 ટકા કર ચૂકવવો પડશે. એટલે કે, તમારે 900000 રૂપિયા પર 30 ટકાના દરે 270000 રૂપિયાનો કર ચૂકવવો પડશે. અહીં એ નોંધવું જરૂરી છે કે તમે બિટકોઇનથી થતા નુકસાનને અન્ય કોઈપણ આવક સાથે એડજસ્ટ કરી શકતા નથી અને ન તો તેને આગામી નાણાકીય વર્ષોમાં આગળ લઈ જઈને આ નુકસાનને એડજસ્ટ કરવાની મંજૂરી છે.

ITR માં કેવી રીતે રિપોર્ટ કરવો

આકારણી વર્ષ 2022-23 થી, આવકવેરા રિટર્ન ફોર્મમાં એક નવો વિભાગ શેડ્યૂલ - વર્ચ્યુઅલ ડિજિટલ એસેટ્સ (VDA) ઉમેરવામાં આવ્યો છે. જો તમને બિટકોઇનથી કોઈ આવક મળી હોય, તો તમારે આ વિભાગ ભરવાનો રહેશે. આમાં, તમારે બિટકોઇન ખરીદવા અને વેચવાની તારીખ, ખરીદી કિંમત અને વેચાણમાંથી મળેલી રકમ વિશે માહિતી આપવી પડશે.

આ પણ વાંચો: મોંઘવારી ભથ્થા પર મોટી અપડેટ, એકસાથે 1,00,00,000 સરકારી કર્મચારીઓને થશે ફાયદો

ઉપરાંત, કોઈપણ કપાત વિના 30 ટકાના દરે ચૂકવવામાં આવેલા કરની વિગતો પણ આપવી પડશે. જો તમે વિદેશી વોલેટ અથવા એક્સચેન્જ દ્વારા બિટકોઇન હોલ્ડ કર્યું છે, તો તમારે શેડ્યૂલ FA (વિદેશી સંપત્તિ) માં પણ તેના વિશે માહિતી આપવી પડશે, જેથી વિદેશી સંપત્તિઓની સંપૂર્ણ વિગતો આવકવેરા વિભાગ પાસે રહે.

DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ