અહો આશ્ચર્યમ્ / 100 વર્ષ જૂના ખંડેર મકાનનું ખોદકામ કરતા મળ્યું એવું કે જાણીને તમે રોમાંચિત થઈ ઉઠશો

• આ આભૂષણો અને સિક્કા સન. 1800ના મુગલકાળના છે
•  200 ગ્રામ સોના- ચાંદીના લગભગ 5 કિલો આભૂષણ
• મજૂર ઘડા લઈને રફ્ફુ ચક્કર થઈ ગયા હતા.

મધ્ય પ્રદેશના ઉજ્જૈનના મહિદપુરના ઘાટી મોહલ્લા વિસ્તારમાં રહેનારા વકીલ વિજેન્દ્ર અને સુરેન્દ્ર દુબેના 100 વર્ષ જૂના મકાનને તોડીને નવું મકાન બનાવવાનું કામ ચાલી રહ્યુ હતું. બુધવારે મકાનના ખોદકામ દરમિયાન મજૂરોને 2 તાંબાના ઘડા નજરે પડ્યા હતા. મજૂરોને ઘડામાંથી સોના- ચાંદીના આભૂષણો અને ગિન્ની મળ્યા હતા. મજૂરોએ આ આભૂષણો વિશે મકાનના માલિકને જાણ કરી નહોતી અને તે ઘડા લઈને રફ્ફુ ચક્કર થઈ ગયા હતા.

સાંજે જ્યારે મકાન માલિકને આ અંગે જાણ થઈ તો તેણે પોલીસને જાણ કરી હતી. દુર્લભ આભૂષણ મળ્યાની જાણકારી મળતા જ પોલીસ ઘટના સ્થળે દોડી ગઈ હતી. પોલીસે તાત્કાલીક 3 મજૂરોને ઝડપી પાડ્યા હતા અને મુદ્દા માલ જપ્ત કરી લીધો હતો. જેમાં 200 ગ્રામ ચાંદીના લગભગ 5 કિલો આભૂષણ, 200ગ્રામના સોનાના આભૂષણો પણ તેટલા જ કિલોની આસપાસના છે. આ આભૂષણો અને સિક્કા સન. 1800ના મુગલકાળના છે.  આ સમાચાર ટોક ઓફ ધ ટાઉન બન્યા છે.