નેશનલ / ભાજપની જેમ કોંગ્રેસે પણ અમને દગો કર્યો, ઉદ્ધવ સેના આકરા પાણીએ, કર્યું મોટું એલાન

મુંબઈ મહાનગર પાલિકા સહિત મહારાષ્ટ્રની 29 નગર પાલિકાઓની ચૂંટણી પહેલા મહારાષ્ટ્રમાં વિપક્ષી એકતામાં તિરાડ પડી છે. કોંગ્રેસે વંચિત બહુજન અઘાડી(VBA) સાથે ગઠબંધન કરતા શિવસેના(ઉદ્ધવ બાળાસાહેબ ઠાકરે) પક્ષ ભડક્યો છે. તેને કોંગ્રેસ પર ગંભીર આક્ષેપો લગાવ્યા છે.

શિવસેના(ઉદ્ધવ બાળાસાહેબ ઠાકરે) પાર્ટીએ મુંબઈમાં 'કોંગ્રેસ મુક્ત મુંબઈ'નો નારો બુલંદ કર્યો છે. જેમાં તેમના પાર્ટીના પ્રવક્તા આનંદ દુબેએ કોંગ્રેસ પર આકરા પ્રહાર કરતા કહ્યું  કે, 'કોંગ્રેસે અમારી પીઠમાં છરો ભોંક્યો છે. પહેલા ભાજપે આ કામ કર્યું હતું અને હવે કોંગ્રેસ પણ એ જ કરી રહી છે. મુંબઈની જનતા આ બધું જોઈ રહી છે.'

તેમને કોંગ્રેસ પણ તુષ્ટિકરણની રાજનીતિનો પણ આરોપ મુક્યો છે. તેમને કહ્યું કે, જે કોંગ્રેસ પ્રકાશ આંબેડકરની VBA પાર્ટી સામે આખી જિંદગી લડી આજે તેની સાથે ગઠબંધન કરીને તેને 60થી વધુ બેઠકો આપી દીધી છે. તેમને એવું પણ કહ્યું હતું કે, VBAનો મુંબઈમાં કોઈ ઈતિહાસ નથી તેની સાથે કોંગ્રેસે ગઠબંધન કેમ કર્યું તે સમજણની બહાર છે.  

UBT Sena ના આનંદ દુબેએ કહ્યું હતું કે, "આ બધું મુંબઈના હિત વિરુદ્ધ રચાયેલું એક મોટું ષડયંત્ર છે, જેમાં VBA અને કોંગ્રેસ બંને ભાજપની 'B ટીમ' તરીકે કામ કરી રહ્યા હોય તેવું લાગે છે. સાથે તેમને પોતાની પાર્ટીની જીતનો દાવો કર્યો હતો. સાથે તેમને RSS પાસે કોંગ્રેસે શીખવું જોઈએ તેવું પણ કહ્યું હતું.

કોંગ્રેસના પ્રદેશ અધ્યક્ષે કહ્યું હતું કે, મહારાષ્ટ્રમાં આ ગઠબંધન ભાજપને રોકવા માટે કરાયું છે તો UBT Senaનું કહેવું છે કે, અમારું મહાવિકાસ અઘાડી ગઠબંધન રાજ્ય અને કેન્દ્ર સરકાર માટે હતું પરંતુ આ મુંબઈ મહાનગરપાલિકાની ચૂંટણી છે. તેમને એવું પણ કહ્યું હતું કે, આ ચૂંટણીમાં જે અમારી સામે લડશે તેને મહાભારતના યુદ્ધની જેમ બાણોથી વીંધી નાખવામાં આવશે.

વધુ વાંચો : કુલદીપ સેંગરને જેલમાં જ રહેવું પડશે, હાઇકોર્ટના આદેશ પર સુપ્રીમ કોર્ટે લગાવ્યો સ્ટે

ઉલ્લેખનીય છે કે,  UBT Sena અને કોંગ્રેસ વચ્ચે વિખવાદ બિહાર ચૂંટણી વખતે જ સામે આવી ગયો હતો. જેમાં આનંદ દુબેએ એક ચેનલ પર કોંગ્રેસને ખરીખોટી સંભળાવી હતી. એવું કહેવાય છે કે, મહારાષ્ટ્ર UBT Sena તરફથી ઉદ્ધવ ઠાકરેને CM ફેસ તરીકે આગળ કરવા કોંગ્રેસ તૈયાર નથી જેથી UBT Sena મોઢું ફુલાવીને બેઠી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ