અજાણ્યા વિસ્તાર કે રસ્તા માટે ગાઇડની ગરજ સારતો ગુગલ મેપ ઇટાલીના સાર્દિનિયામાં પ્રવાસીઓ માટે માથાનો દુખાવો બની ગયો છે. અહીંના મેયર પ્રવાસીઓને ગૂગલ મેપ્સનો ઉપયોગ ન કરવા સલાહ આપી રહ્યા છે. ઓગલિસ્ટ્રા પ્રાંતના પર્વતીય ગામ બૌનૈઇના મેયર સાલ્વાટોર કોરેઇસે લોકોને પરંપરાગત કાગળના નકશાનો ઉપયોગ કરવાની સલાહ આપી હતી.
ગુગલ મેપ ઇટાલીના સાર્દિનિયામાં પ્રવાસીઓ માટે માથાનો દુખાવો બન્યો
પ્રવાસીઓને ગૂગલ મેપ્સનો ઉપયોગ ન કરવા સલાહ અપાઇ
તંત્રએ પ્રવાસીઓને કાગળ પર છપાયેલા મેપ્સનું વિતરણ કરવાની યોજના બનાવી
કારણ કે ઘણાં પ્રવાસીઓ ગુગલ મેપથી રસ્તો ભુલીને એવા જોખમી સ્થળે પહોંચી જાય છે કે ફાયર સર્વિસ અથવા માઉન્ટેન રેસ્ક્યુ ટીમને પણ વારંવાર બચાવ કામગીરી માટે દોડી જવું પડે છે. ફસાયેલા પ્રવાસીઓને શોધવામાં ઘણી મુશ્કેલીઓ પડે છે. અહીંની સ્થાનિક પોલીસે પણ ખાસ સુચના જારી કરી છે કે તેઓ ગૂગલ મેપ્સ પરથી સૂચવાયેલા રસ્તા કે રુટને ફોલો ન કરે.
સ્થાનિક વહીવટીતંત્રએ પ્રવાસીઓને કાગળ પર છપાયેલો મેપ્સનું વિતરણ કરવાની પણ યોજના બનાવી છે. આ ઉપરાંત સોસિયલ મીડિયા પર પણ મેપ સર્કયુલેટ કરવામાં આવી રહ્યા છે. જેથી લોકો મોબાઇલ કે લેપટોપમાં પણ તેને જોઇને રસ્તો શોધી શકે. કારણ ગમે તે હોય પણ આ વિસ્તારમાં ગૂગલ મેપ પ્રવાસીઓને સાચો રસ્તો બતાવવાને બદલે ખોટી જગ્યાએ લઇ જાય છે.
ઘણીવાર પ્રવાસીઓ અત્યંત જોખમી વિસ્તારમાં પહોંચી જાય છે જયાંથી પાછા ખરવાનું મુસ્કેલ બની જાય છે. પર્યટક એવા જોખમી રસ્તે પહોંચે જ્યાં જીવનને પણ જોખમ હોય. વહીવટીતંત્ર કહે છે કે ગુગલ મેપ પર પ્રતિબંધ મુકવો શક્ય નથી તેથી અમે લોકોને આ માટે જાગૃત કરી રહ્યા છીએ. સ્થાનિક અધિકારીઓએ કહ્યું કે અમે ગુગલને આ સમસ્યાથની જાણ કરી છે અને તેનો હલ નીકાળવા રજુઆત કરી છે. ગુગલના પ્રવક્તાએ કહ્યું કે અમને સમસ્યાની જાણ છે અને એવા રસ્તાનું મેપિંગ કરી રહ્યા છીએ જે સલામત હોય.