ફાયદાની વાત / આ બેંકે 18155 કરોડનો નફો કર્યો, ડિવિડન્ડની સાથે રોકાણકારોને આપશે મફત શેર

દેશની સૌથી મોટી પ્રાઈવેટ બેંક HDFC બેંકે નાણાકીય વર્ષ 2025-26 ના પ્રથમ ત્રિમાસિક (એપ્રિલ-જૂન) ના પરિણામો જાહેર કર્યા છે અને આ પરિણામો અપેક્ષા કરતા વધુ સારા રહ્યા છે. બેંકે આ ત્રિમાસિક ગાળામાં ₹ 18,155 કરોડનો ચોખ્ખો નફો મેળવ્યો છે, જે ગયા વર્ષ કરતા 12.24 ટકા વધુ છે. HDFC બેંકે માત્ર નફો જ નથી કર્યો પરંતુ તેના શેરધારકોને ભેટ પણ આપી છે. બેંકે પ્રતિ શેર ₹ 5 નું ખાસ ડિવિડન્ડ અને 1:1 બોનસ શેરની જાહેરાત કરી છે. એટલે કે, જો તમારી પાસે 1 શેર છે, તો હવે તમને મફતમાં એક વધુ મળશે.

HDFC બેંકે શનિવારે શેરબજારને માહિતી આપી હતી કે આ નાણાકીય વર્ષના પ્રથમ ક્વાર્ટરમાં તેની કુલ આવક વધીને રૂ. 99,200 કરોડ થઈ છે, જે પાછલા નાણાકીય વર્ષના સમાન ક્વાર્ટરમાં રૂ. 83,701 કરોડ હતી. જ્યારે જૂન ક્વાર્ટરમાં બેંકનો કુલ ખર્ચ રૂ. 63,467 કરોડ હતો, જ્યારે પાછલા નાણાકીય વર્ષના સમાન સમયગાળામાં તે રૂ. 59,817 કરોડ હતો.

કઇ વાતમાં ખાસ ધ્યાન આપ્યું

• ચોખ્ખી વ્યાજ આવક ( NII) ₹31,438 કરોડ રહી, જે 5.4% ની વૃદ્ધિ દર્શાવે છે.
• ઓપરેટિંગ નફો ₹ 35,734 કરોડ રહ્યો, જ્યારે ખર્ચમાં પણ 4.9%નો વધારો થયો.
• કુલ થાપણો વધીને ₹ 27.64 લાખ કરોડ થઈ, જે ગયા વર્ષ કરતાં 16.2% વધુ છે.
• બેંકની કુલ લોન બુક હવે ₹ 26.53 લાખ કરોડ સુધી પહોંચી ગઈ છે .
• કુલ આવક ₹ 99,200 કરોડ રહી, જે ગયા વર્ષ કરતાં ઘણી વધારે છે.

વધુ વાંચો: સામાં દેખાયું નરી આંખે નર્ક, વરસાદીનું પાણી ઘરમાં ઘૂસ્યું, ભૂલ કોની ? રહીશો પરેશાન

આપણને બોનસ અને ડિવિડન્ડ ક્યારે મળશે?

બોનસ શેર અને ડિવિડન્ડ મેળવવા માટે, શેરધારકનું નામ 25 જુલાઈ સુધીમાં કંપનીના રેકોર્ડમાં હોવું આવશ્યક છે. બોનસ શેર માટેની રેકોર્ડ તારીખ 27 ઓગસ્ટ નક્કી કરવામાં આવી છે અને ડિવિડન્ડ 11 ઓગસ્ટના રોજ ચૂકવવામાં આવશે.HDB IPO એ પણ મોટો નફો કર્યો

HDFC બેંકની પેટાકંપની HDB ફાઇનાન્શિયલ સર્વિસિસના IPO થી બેંકને ₹ 9,128 કરોડનો કરવેરા પહેલાનો નફો થયો. આના કારણે બેંકની વધારાની આવકમાં મોટો ઉછાળો આવ્યો. આ પરિણામો જાહેર થાય તે પહેલાં, શુક્રવારે NSE પર HDFC બેંકના શેર 1.56% ઘટીને ₹ 1,959 પર બંધ થયા .

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ