સરાહનીય / મ્યુકરમાઈકોસિસના દર્દીઓ માટે ગુજરાતની આ હોસ્પિટલની અનોખી પહેલ, આપશે એક-એક લાખનો ચેક

• કિરણ હોસ્પિટલની અનોખી પહેલ
• મ્યુકર માઈકોસિસના દર્દીઓને આપશે સહાય
• સપ્તાહમાં 25 દર્દીઓને અપાશે 1-1 લાખના ચેક

દર્દીઓ માટે આર્શિવાદ રૂપ હોસ્પિટલ
કોરોના સંક્રમિત દર્દીઓ સાજા થયા બાદ મ્યુકરમાઈકોસિસનું જોખમ દર્દીઓ પર મંડરાયેલું જોવા મળે છે ત્યારે સુરતમાં કિરણ હોસ્પિટલે મ્યુકોમાઈકોસિસ દર્દીઓ માટે અનોખી પહેલ છે. કિરણ હોસ્પિટલ ઓછી આવક ધરાવતા દર્દીઓને આર્થિક સહાય આપવાની જાહેરાત કરી છે. હોસ્પિટલ મ્યુકોમાઈકોસિસ લક્ષણો ધરાવનારાઓને આર્થિક સહાય આપશે જેમાં સપ્તાહમાં 25 દર્દીઓને 1-1 લાખના ચેકની આપવામાં આવશે. કોરોના સંક્રમણ દરમિયાન દર્દીઓને સ્ટેરોઈડ આપવામાં આવતા હોવાથી મ્યુકોમાઈકોસિસના દર્દીઓને 45 દિવસમાં 180 ઈન્જેક્શન લેવા પડતા હોય છે ત્યારે કિરણ હોસ્પિટલે દર્દીઓને આર્થિક સહાય કરતા દર્દીનો માટે આર્શિવાદ રૂપ બની છે.

રિકવરી બાદ દર્દીમાં મ્યુકો માઈકોસિસના લક્ષણો

હાલ સુરત સહિત અનેક જિલ્લાઓમાં મ્યુકર માઈકોસિસના કેસ જોવા મળી રહ્યા છે મ્યુકોમાઈકોસિસથી દર્દીના આંખ, નાક અને મગજ ઉપરાંત દાંત પર ગંભીર અસરો થાય છે રેમડેસિવિર, ટોસીલીઝુમેબની અછતને લીધે સ્ટેરોઈડના ઉપયોગની આડઅસરને કારણે મ્યુકોમાઈકોસિસમાં વધારો જોવા મળી રહ્યો છે, નિષ્ણાંતો જણાવી રહ્યા છે કે કોરોનાગ્રસ્ત હોય અને ડાયાબીટિસ હોય તેમજ સ્ટેરોડઈડ ચાલુ હોય તેમને મ્યુકોમાઈકોસિસના લક્ષણો માટે જોવા મળી શકે છે, તબીબોના જણાવ્યા પ્રમાણે કોરોનાની પ્રથમ લહેર કરતા બીજી લહેરમાં મ્યુકોમાઈકોસિસની ઘાતક અસરો જોવા મળી રહી છે કોરોના દર્દીઓ હોસ્પિટલમાં દાખલ અને રિકવર થયા બાદ દર્દીઓમાં મ્યુકોમાઈકોસિસના લક્ષણો દેખાતા હોય છે. 

મ્યુકો માઈકોસિસમાં ફંગસ હાડકાંમાં ફેલાય શકે  
તબીબો અનુસાર રિસર્ચમાં એવું પણ જાણવા મળ્યું છે કે મ્યુકો માઈકોસિસમાં ફંગસને હાડકાંમાં ફેલાતા 15 દિવસ લાગતા હોવાથી બાયોપ્સી ઉપયોગી બને છે સૌ પ્રથમ અર્લી સ્ટેજમાં ક્લિનિકલ તપાસ અને મધ્યમ કે એડવાનસ સ્ટેજમાં હોય તો બાયોપ્સી કે ઓએચ માઉન્ટ અને કેલકોફ્લર સ્ટેઇનરથી તપાસ થાય છે.ઘણીવાર ફંગસને હાડકામાં ફેલાતા 10-15 દિવસનો ટાઈમ લાગતો હોવાથી સીટી સ્કેનમાં બહુ ફેરફાર દેખાતા ન હોવાથી બાયોપ્સી ઉપયોગી થાય છે.

સ્ટિરોઇડની પેન્ક્રિયાસ પર આડઅસર
સ્ટિરોઇડની પેન્ક્રિયાસ પર ગંભીર આડઅસર થતાં ઇન્સુલિન બનવાની ગતિ ધીમી પડે છે, જેથી ફંગસને શરીરમાં ફેલાવાનું સાનુકુળ વાતાવરણ મળે છે. ફંગસ ધીમે ધીમે વધીને નાક, આંખ, તાળવા, દાંત-જડબા અને મગજ સુધી પહોંચે છે અને દર્દીએ આખરે સર્જરી કરાવી પડે છે.