Asia Cup 2025 / એશિયા કપ માટે ભારતીય ટીમની નવી જર્સી પરથી પડદો ઉઠ્યો, જુઓ ફર્સ્ટ લૂક

ભારતીય ટીમ એશિયા કપ 2025 માટે દુબઈ રવાના થઈ ગઈ છે. અગાઉ, બીસીસીઆઈ અને ડ્રીમ 11 વચ્ચે જર્સી સ્પોન્સરશિપ ડીલ સમાપ્ત થઈ ગઈ હતી. આવી સ્થિતિમાં, બીસીસીઆઈએ નવા સ્પોન્સરશિપ માટે ટેન્ડર પણ બહાર પાડ્યું છે. ટીમ ઈન્ડિયા કોઈપણ જર્સી સ્પોન્સરશિપ વિના એશિયા કપમાં રમશે. ડ્રીમ 11 સાથેનો ડીલ સમાપ્ત થયા પછી, ટીમ ઈન્ડિયાની નવી જર્સીનો ફર્સ્ટ લુક બહાર આવ્યો છે. ચાલો ટીમ ઈન્ડિયાની નવી જર્સી પર એક નજર કરીએ.

ટીમ ઈન્ડિયાની નવી જર્સી કેવી છે?

એશિયા કપ 2025 પહેલા ભારતીય ટીમની નવી જર્સીનો ફર્સ્ટ લુક સામે આવ્યો છે. નવી જર્સીમાં જોઈ શકાય છે કે ટી-શર્ટ પર કોઈ સ્પોન્સરનું નામ નથી. જર્સીની ડાબી બાજુ BCCIનો લોગો છે, જ્યારે જમણી બાજુ DP World Asia Cup 2025 લખેલું છે. DP World એશિયા કપ 2025નું સ્પોન્સર છે. આ સિવાય, જર્સી પર ફક્ત ભારતનું નામ લખેલું છે. એવું માનવામાં આવતું હતું કે ભારતીય ટીમ કોઈપણ જર્સી સ્પોન્સર વિના એશિયા કપમાં રમશે. પરંતુ હવે આ સમાચાર સાચા પડ્યા છે.

ડ્રીમ 11 અને બીસીસીઆઈ વચ્ચેનો ડીલ રદ થઈ

ડ્રીમ 11અને બીસીસીઆઈ વચ્ચેનો કરાર સમાપ્ત થઈ ગયો છે. વર્ષ 2023 માં, ડ્રીમ 11 ટીમ ઈન્ડિયાનું જર્સી સ્પોન્સર બન્યું. આ સોદો ૩ વર્ષ માટે હતો. પરંતુ આ સોદો સમય કરતા 6 મહિના પહેલા જ રદ કરવામાં આવ્યો હતો. કારણ કે કેન્દ્ર સરકારે ઓગસ્ટમાં ઓનલાઈન ગેમિંગ સુધારા 2025માં મોટો ફેરફાર કર્યો હતો અને પૈસાની લેવડદેવડ કરતી એપ્સ પર પ્રતિબંધ મૂક્યો હતો. આ પછી ડ્રીમ 11 ને મોટો ઝટકો લાગ્યો હતો. હવે બીસીસીઆઈએ નવી જર્સી સ્પોન્સરશિપ શોધવાનું શરૂ કર્યું છે.

આ પણ વાંચોઃ રૂપિયા 15,000 સસ્તો થયો સેમસંગનો આ ધાંસૂ ફીચર્સવાળો ફોન! મળશે બમ્પર ડિસ્કાઉન્ટ

એશિયા કપ 2025 9 સપ્ટેમ્બરથી શરૂ થવા જઈ રહ્યો છે. ભારતીય ટીમે 10 સપ્ટેમ્બરે UAE સામે પોતાનો પહેલો મુકાબલો રમવાનો છે. આ પછી, 14 સપ્ટેમ્બરે ભારત અને પાકિસ્તાન વચ્ચે મોટી મેચ રમાશે. 19 સપ્ટેમ્બરે ટીમ ઈન્ડિયા ઓમાન સામે ટકરાશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ