આગાહી / બંગાળની ખાડીમાં સિસ્ટમ સક્રિય, ગુજરાતમાં દિવાળી દરમિયાન વરસાદની આશંકા

હગુજરાતમાં છેલ્લા 24 કલાક દરમિયાન હવામાન શુષ્ક રહ્યું છે. હાલમાં રાજ્યમાં ઉત્તર-પૂર્વીય પવનો ફૂંકાઈ રહ્યા છે. હવામાન વિભાગના મુજબ, હાલમાં બંગાળની ખાડીમાં એક અપર એર સર્ક્યુલેશન સક્રિય છે, જેના કારણે દક્ષિણ ભારતના અનેક રાજ્યોમાં ભારે વરસાદની શક્યતા છે. હવામાન વિભાગે જણાવ્યું છે કે આગામી સાત દિવસ દરમિયાન ગુજરાતમાં મહત્તમ અને લઘુત્તમ તાપમાનમાં કોઈ મોટો ફેરફાર થવાની શક્યતા નથી. પરંતુ 20 થી 22 ઓક્ટોબર દરમિયાન રાજ્યના દક્ષિણ ભાગના કેટલાક વિસ્તારોમાં હળવા વરસાદની શક્યતા છે.

અમદાવાદના હવામાનની વાત કરીએ તો મહત્તમ તાપમાન આશરે 37°C અને ન્યૂનતમ તાપમાન 23°C આસપાસ રહેવાની આગાહી છે. હવામાન વિભાગના જણાવ્યા મુજબ, બંગાળની ખાડીના કોમોરિન વિસ્તારમાં 17 ઓક્ટોબરે અપર એર સર્ક્યુલેશન મધ્ય ઉષ્ણકટિબંધીય સ્તરે સક્રિય છે.

બંગાળની ખાડી અને આંદામાન સમુદ્ર પર નીચા અને મધ્યમ વાદળો છવાયેલા છે અને તેમાં તીવ્ર સંવહન પ્રવૃત્તિ જોવા મળી રહી છે. આગામી 24 ઓક્ટોબરના આસપાસ દક્ષિણપૂર્વ બંગાળની ખાડીમાં નીચા દબાણનું ક્ષેત્ર (Low Pressure Area) બનવાની શક્યતા છે. તે પશ્ચિમ-ઉત્તરપશ્ચિમ તરફ આગળ વધી શકે છે અને વધુ તીવ્ર સ્વરૂપ ધારણ કરી શકે છે.

18 ઓક્ટોબરથી આ વિસ્તાર Low Pressure Area

આ ઉપરાંત દક્ષિણપૂર્વ અરબી સમુદ્ર અને લક્ષદ્વીપ વિસ્તાર પર પણ અપર એર સર્ક્યુલેશન સક્રિય છે. 18 ઓક્ટોબરથી આ વિસ્તાર Low Pressure Areaમાં રૂપાંતરિત થઈ શકે છે. જેના કારણે કેરળ, કર્ણાટક, તમિલનાડુ, પુડુચેરી અને આંધ્રપ્રદેશમાં ભારે થી અતિ ભારે વરસાદની શક્યતા છે.

આ પણ વાંચો : હાઉસિંગ સ્કેમ ઉઘાડું પાડે તે પહેલા જ RTI એક્ટિવિસ્ટની હત્યા, બિલ્ડર-રાજનેતાઓ-અધિકારીઓની સંડોવણી

ગુજરાતમાં હાલ માટે વાતાવરણ શુષ્ક રહેશે, પરંતુ હવામાન વિભાગે જણાવ્યું છે કે આગામી દિવસોમાં ઠંડીનો ચમકારાની શરૂઆત થઈ શકે છે. એટલે હવે ધીમે ધીમે ગરમીને વિદાય આપી શિયાળાની ઠંડક માટે તૈયાર થવાનો સમય આવી રહ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ