ટેક્નોલોજી / હોતું હશે! ઘરમાં લાગેલા Wi-Fi કનેક્શનથી મોબાઇલ ડેટા વેચી શકાય? આ રીતે ઉઠાવો લાભ

PM-WANI Scheme: હવે એવો સમય આવી ગયો છે કે ઇન્ટરનેટ વિના કોઈ જ રહી શકતું નથી. મોટાભાગના કામો ઇન્ટરનેટ વિના અટવાઈ પડે છે. એટલે કે ઇન્ટરનેટ જીવનની એક જરૂરિયાત બની ગયું છે. મોટાભાગના લોકો પોતાના ઘરમાં ઇન્ટરનેટ માટે વાઈ-ફાઈ લગાવડાવે છે. પરંતુ કદાચ કોઈને જ ખબર નહીં હોય કે ઘરના વાઈ-ફાઈ કનેક્શનથી પૈસા પણ કમાઈ શકાય છે.

સરકારની પીએમ વાઈ-ફાઈ યોજના એટલે કે PM-WANI એટલે કે Public Wi-Fi Network Interface અંતર્ગત સામાન્ય લોકો પોતાના વાઈ-ફાઈ નેટવર્કને પબ્લિક યુઝ માટે શેર કરીને પૈસા કમાઈ શકે છે. જો ઘર કે દુકાનમાં વાઈ-ફાઈ ઇન્ટરનેટ કનેક્શન હોય તો એને સરકારની રજિસ્ટર સિસ્ટમ સાથે જોડીને ડેટા વેચી શકાય છે. જાણો આ યોજનામાં કેવી રીતે ફાયદો મળશે.

શું છે PM-WANI Scheme?

ટેલિકોમ રેગ્યુલેટરી ઓથોરિટી ઓફ ઇન્ડિયાએ પીએમ વાઈ-ફાઈ યોજના શરૂ કરી છે, જેને પીએમ-વાની યોજના પણ કહેવામાં આવે છે. ડિપાર્ટમેન્ટ ઓફ ટેલિકોમ્યુનિકેશન્સે આ યોજનાને દેશભરમાં ડિજિટલ ઇન્ડિયા મિશનના ભાગ રૂપે શરૂ કરી છે. આ યોજના હેઠળ, કોઈપણ વ્યક્તિ અથવા સંસ્થા પબ્લિક ડેટા ઓફિસ (PDO) બનીને તેમનું વાઈ-ફાઈ શેર કરી શકે છે.

PM-WANI યોજનાઓ લાભ લેવા માટે શું કરવું?

PM-WANI યોજનાનો લાભ લેવા માટે એક રાઉટર અને ઈન્ટરનેટ કનેક્શન જરૂરી છે. પછી સરકારના પોર્ટલ પર જઈને રજિસ્ટ્રેશન કરાવવાનું રહેશે. આ પછી તમારું નેટવર્ક પબ્લિક વાઈ-ફાઈ તરીકે એક્ટિવ થઈ જાય છે. આ પછી યુઝર્સ તમારા નેટવર્ક સાથે જોડાઈને ડેટા ખરીદી શકે છે. ડેટા યુઝ થવા પર તમને એક નિશ્ચિત કમિશન મળશે, જેનાથી તમે કમાણી કરી શકો છો.

લેવી રીતે મળશે યોજનાનો લાભ

જો ઘરમાં વાઈ-ફાઈ કનેક્શન હોય તો આ યોજનામાં સરળતાથી જોડાઈ શકાય છે. સૌથી પહેલા telecom.gov.in અથવા PM-WANI એપ્લિકેશન પર જઈને પબ્લિક ડેટા ઓફિસ તરીકે અરજી કરવી પડશે. આ પછી એક PDO ID આપવામાં આવશે. પછી પોતાના વાઈ-ફાઈ રાઉટરને રજિસ્ટર કરીને નેટવર્ક લાઇવ કરો.

આ પણ વાંચો: માત્ર 3 જ દિવસ બાકી! પછી કરોડો Windows કમ્પ્યુટર્સ યુઝર્સ મૂકાશે મુશ્કેલીમાં

જયારે કોઈ યુઝર તમારું નેટવર્ક વાપરશે, સિસ્ટમ આપમેળે જ એમાઉન્ટ એડ કરી દેશે. આનાથી દર મહિને થોડા હાજર રૂપિયાની કમાણી કરી શકાય છે. આની ખાસ વાત એ છે કે આમાં કોઈ લાઇસન્સની કે કોઈ વધારાનું રોકાણ કરવાની જરૂર નથી પડતી. તમે પણ પોતાનું વાઈ-ફાઈ વાપરી જ શકો છો અને એનાથી જ મોબાઈલ ડેટા વેચીને કમાણી પણ કરી શકો છો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ