ટેક / iPhone 17 સિરીઝ લોન્ચ થતા જ બજારમાંથી ગાયબ થઈ જશે iPhone આ 4 મોડેલ!

Apple દર વર્ષે નવા iPhone મોડલ લોન્ચ કર્યા પછી થોડા જૂના મોડલ્સને ડિસ્કન્ટિન્યુ કરે છે. હવે iPhone 17 Seriesનું લોન્ચિંગ નજીક છે અને અહેવાલો મુજબ, આ વખતે પણ કેટલાક લોકપ્રિય મોડલ્સ માર્કેટમાંથી ગાયબ થઈ શકે છે.

કયા iPhone મોડલ્સ થશે બંધ?

અહેવાલ અનુસાર iPhone 17 Series આવતા જ iPhone 15, iPhone 15 Plus, iPhone 16 Pro અને iPhone 16 Pro Maxને Apple પોતાની ઓફિશિયલ સાઇટ પરથી હટાવી શકે છે. જોકે, થર્ડ-પાર્ટી રિટેલર્સ (જેમ કે Amazon, Flipkart) પર આ ફોન ત્યારે સુધી ઉપલબ્ધ રહેશે જ્યાં સુધી સ્ટોક બાકી છે. સ્ટોક પૂરો થતાં જ આ મોડલ્સ બજારમાંથી ગાયબ થઈ જશે.

ફક્ત iPhone જ નહીં, આ ડિવાઈસ પણ બંધ થશે

આઈફોન સિવાય Apple Watch Series 10, Apple Watch Ultra 2 અને AirPods Pro 2 Gen પણ ડિસ્કન્ટિન્યુ થવાની શક્યતા છે. એટલે કે, કંપની તેની ઓફિશિયલ સાઇટ અને સ્ટોર્સ પર આ પ્રોડક્ટ્સનું વેચાણ બંધ કરશે અને મેન્યુફેક્ચરિંગ પણ બંધ થશે.

ડિસ્કન્ટિન્યુ થયા પછી શું મળશે?

• કંપનીની ઓફિશિયલ સાઇટ પરથી મોડલ્સ ગાયબ થશે.
• થર્ડ-પાર્ટી રિટેલર્સ પાસે સ્ટોક પૂરો ન થાય ત્યાં સુધી ફોન અને ગેજેટ્સ મળશે.
• કેટલાક મોડલ્સની પ્રાઈસ કટ થશે, જેથી ખરીદદારોને સસ્તા ભાવમાં iPhone મેળવવાની તક મળશે.

વધુ વાંચો : Apple iPhone 17 સિરીઝમાં મળશે એક-બે નહીં, અનેક અપગ્રેડ, લૉન્ચિંગ પહેલા જ ફીચર્લ લીક!

એટલે કે જો તમે iPhone 15 અથવા 16 Pro સિરીઝના મોડલ લેવા માંગતા હો, તો iPhone 17 Series લોન્ચ પહેલાં કે તરત પછી ખરીદી કરવી સમજદારીભરી ચાલ સાબિત થઈ શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ