ટેક્નોલોજી / EPFO ઈ-પાસબુકની સર્વિસ થઇ ડાઉન! તો આ રીતે ચેક કરજો બેલેન્સ

શું તમને EPF પાસબુક વેબસાઇટ પર તમારા કર્મચારી ભવિષ્ય નિધિ (EPF) બેલેન્સ તપાસવામાં સમસ્યા આવી રહી છે? કેમ કે, અત્યારે પોર્ટલ ડાઉન છે. આ સ્થિતિમાં જો તમે બેલેન્સ ચેક કરવા માંગતા હોવ તો ચિંતા ના કરશો કર્મચારી ભવિષ્ય નિધિ સંગઠન (EPFO)એ આ માટે સરળ ઓપ્શન આપ્યા છે. જેમ કે મિસ્ડ કોલ અને SMS સર્વિસ, જેના દ્વારા તમે ઇન્ટરનેટ ઍક્સેસ અથવા ટેકનિકલ સમસ્યાઓ વગર તરત જ તમારૂ PF બેલેન્સ ચેક કરી શકો છો.

• EPF વેબસાઇટ કેમ નથી થઈ રહ્યું લોગિન

તમે EPF પાસબુક પોર્ટલ (passbook.epfindia.gov.in) પર જઈને તમારા પ્રોવિડન્ટ ફંડ (PF) બેલેન્સ ચેક કરી શકો છો. ક્યારેક યુઝર્સને તેને ઍક્સેસ કરવામાં મુશ્કેલીનો સામનો કરવો પડે છે. લોગ ઇન કરવામાં સમસ્યાઓ હાઈ ટ્રાફિક, સુનિશ્ચિત મેન્ટેનન્સ અથવા ટેકનિકલ અપગ્રેડને કારણે સર્વર ઓવરલોડિંગ, ખોટા યુનિવર્સલ એકાઉન્ટ નંબર (UAN), પાસવર્ડ અથવા નોંધાયેલ ન હોય તેવા મોબાઇલ નંબરનો ઉપયોગ કરવા જેવી લોગિન ભૂલોને કારણે થાય છે. હાલમાં EPFO વેબસાઇટ ડાઉન છે, જેના કારણે યુઝર્સ લોગિન નથી કરી શકતા.

• મિસ્ડ કોલ સેવા દ્વારા PF બેલેન્સ આ રીતે ચેક કરવું

1. તમે EPFOની મિસ્ડ કોલ સર્વિસ દ્વારા પણ તમારું PF બેલેન્સ ચકાસી શકો છો. આ એક ફ્રી પદ્ધતિ છે. જે આ રીતે કરી શકાય છે.
2. તમારા રજિસ્ટર્ડ મોબાઇલ નંબર પરથી 9966044425 પર કૉલ કરો.
3. બે રિંગ બાદ કોલ આપમેળે ડિસ્કનેક્ટ થઈ જશે
4. તમને તમારા છેલ્લા PF બેલેન્સ અને છેલ્લી જમા રકમની વિગતો એક SMS દ્વારા મળશે.

વધુ વાંચો : PAN-આધાર લિંક થવા પર મળશે રૂ. 5,00,000 સુધીની લોન! એ કઇ રીતે, તો નોટ કરી લો

ઉલ્લેખનીય છે કે, આ સર્વિસ ફક્ત UAN- એક્ટિવ સભ્યો માટે જ ઉપલબ્ધ છે જેમનું KYC પૂર્ણ થયું છે. જો તમને કોઈ સમસ્યા આવે તો તમે તમારા એમ્પ્લોયર અથવા EPFO પોર્ટલ દ્વારા તમારા KYC સ્ટેટસ ચેક કરી શકો છો.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ