કર્તવ્યનિષ્ઠા / આ મહિલા શિક્ષિકાની હિંમતને સલામ, કોરોના હોવા છતાં ICUથી લઈ રહી છે ઓનલાઈન ક્લાસ

• સુમન વિજ નામની મહિલા શિક્ષિકાનું સમર્પણ 
• આઇસીયુમાં ભરતી હોવા છતાં વિદ્યાર્થીઓને ભણાવી રહી છે 
• હોસ્પિટલથી લઈ રહી છે ઓનલાઈન ક્લાસ 

મહત્વનું છે કે પરિસ્થિતિને ગણકાર્યા વિના જ શિક્ષક તરીકેની પોતાની જવાબદારી નિભાવવા માટે મોહાલીની એક મહિલા શિક્ષિકા સુમન વિજ એક પ્રશંસનીય કરી રહ્યા છે. ગયા અઠવાડિયે આ મહિલા શિક્ષિકાની તબિયત લથડતાં તેમણે કોરોના ટેસ્ટિંગ કરાવ્યું હતું. સોમવારે કરાવેલા આ રિપોર્ટમાં તેને કોરોના સંક્રમણની પુષ્ટિ થઈ હતી, જેના પછી તેને હોસ્પિટલમાં દાખલ કરવામાં આવી છે જો કે તેઓ ત્યાંના ICU વોર્ડથી જ તેના વિદ્યાર્થીઓ માટે ઓનલાઈન ક્લાસ લઈ રહી છે.

સુમન છેલ્લા 15 વર્ષથી ભણાવી રહી છે 

મહત્વનું છે કે મોહાલીના ફેઝ 4 માં રહેતા સુમન એક ખાનગી શાળામાં ભણાવે છે, હાલમાં જો કે તેઓ પોતે કોરોના સંક્રમિત છે પરંતુ આવું હોવા છતાં પણ તે બાળકોને ઓનલાઇન ભણાવી રહી છે, અત્રે એ નોંધવું અગત્યનું છે કે સુમન વિજ છેલ્લા 15 વર્ષથી ભણાવી રહ્યા છે.

ICU થી લઈ રહી છે ઓનલાઈન ક્લાસ 

ગયા અઠવાડિયે આ મહિલા શિક્ષિકાની તબિયત લથડતાં તેમણે કોરોના ટેસ્ટિંગ કરાવ્યું હતું. સોમવારે કરાવેલા આ રિપોર્ટમાં તેને કોરોના સંક્રમણની પુષ્ટિ થઈ હતી, જેના પછી તેને હોસ્પિટલમાં દાખલ કરવામાં આવી છે અને હાલમાં તે ICU વોર્ડથી જ તેના વિદ્યાર્થીઓ માટે ઓનલાઈન ક્લાસ લઈ રહી છે. સુમનની ગયા વર્ષે જ ઓપન હાર્ટ સર્જરી કરાઈ હતી. હવે કોરોના પોઝિટિવ આવ્યા પછી, જ્યારે તેની વિગતવાર તપાસ કરવામાં આવી હતી, ત્યારે ફેફસામાં ન્યુમોનિયાની અસર દેખાઈ હતી. તેને શ્વાસ લેવામાં પણ તકલીફ થઈ રહી છે.

મોહાલીની એક હોસ્પિટલમાં ચાલી રહી છે સારવાર 

તેની સારવાર મોહાલીની એક ખાનગી હોસ્પિટલના આઈસીયુ વોર્ડમાં ચાલી રહી છે. આ મુશ્કેલી હોવા છતાં સુમન નાના બાળકોના શિક્ષણ માટે કોઈ સમાધાન કરવા તૈયાર નહોતી. હોસ્પિટલના આઈસીયુ વોર્ડમાંથી તે સવારે અને સાંજે બાળકોના ઓનલાઈન ક્લાસ લઈ રહી છે.

સુમન તેના કામ પ્રત્યે સભાન છે

સુમન તેના કામને લઈને પૂર્ણપણે સમર્પિત અને સભાન છે. આ જ કારણ છે કે જ્યારે ડોક્ટરોએ તેને હોસ્પિટલમાં દાખલ થવા જણાવ્યું ત્યારે તે પોતાની સાથે પુસ્તકો અને અન્ય શૈક્ષણિક સામગ્રી હોસ્પિટલમાં લઈ આવી હતી. જો કે, સંક્રમણ સુરક્ષાને ધ્યાનમાં રાખીને ડોકટરોએ તેમને કોવિડ આઇસીયુ વોર્ડમાં પુસ્તકો લઈ જવાની મંજૂરી આપી ન હતી.

સુમનને પુસ્તકો વગર ભણાવવામાં પણ ફાવટ છે 

સુમન કહે છે કે તેનાથી બહુ ફરક પડતો નથી. તે કહે છે કે તે છેલ્લા 15 વર્ષથી ભણાવી રહી છે, તેથી તે બાળકોને શું શીખવવું અને કેવી રીતે શીખવવું તે જાણે છે. સુમનની શિક્ષક તરીકેની પ્રતિબદ્ધતા જોઈને માત્ર ડોકટરો જ નહીં અને અન્ય દર્દીઓ પણ તેના પ્રશંસક બની ગયા છે.