કાળો કારોબાર / સુરતમાં ફરી યુવાધન ચડ્યું નશાના રવાડે, હાઇબ્રિડ ગાંજા સાથે બે ઈસમોની ધરપકડ

સુરત શહેરમાં વધતા નશાના સવાલ વચ્ચે પોલીસને મોટી સફળતા મળી છે. અલથાણ પોલીસ સ્ટેશનની ટીમે બાતમીના આધારે શહેરના સિટી લાઈટ વિસ્તારમાંથી બે ઈસમોને હાઈબ્રિડ ગાંજા સાથે ઝડપ્યા છે.

પૂછપરછ દરમિયાન હાઈબ્રિડ ગાંજો મળી આવ્યો

મળતી માહિતી મુજબ, પોલીસે સૌપ્રથમ યશ પટેલ નામના યુવકને શંકાસ્પદ હાલતમાં રોક્યો હતો. તેની પૂછપરછ દરમિયાન હાઈબ્રિડ ગાંજો મળી આવતા તેને તરત જ કસ્ટડીમાં લેવામાં આવ્યો. વધુ તપાસ કરતાં ગાંજાની હેરાફેરી કરનાર અન્ય એક શખ્સ પ્રિયાંક પટેલનું નામ સામે આવ્યું. પોલીસે ઝડપથી પ્રિયાંક પટેલને પણ કબજે લઈ લીધો.

આ પણ વાંચોઃ AMCનું મેગા ડિમોલિશન, શહેરના આ વિસ્તારમાં 1000થી વધુ ગેરકાયદે મકાનો પર ચાલશે તંત્રનું બુલડોઝર

કુલ રૂ. 1.39 લાખનો મુદ્દામાલ કબ્જે કર્યો

કાર્યવાહી દરમિયાન પોલીસે બંને પાસેથી હાઈબ્રિડ ગાંજો, મોબાઈલ ફોન અને મોપેડ મળી કુલ રૂ. 1.39 લાખનો મુદ્દામાલ કબ્જે કર્યો છે. પોલીસ દ્વારા આગળની તપાસ ચાલુ રાખવામાં આવી છે કે આ ગાંજા સપ્લાઈ ચેઇન પાછળ અન્ય કોઈ ગેંગ તો સંકળાયેલો નથી ને. અલથાણ પોલીસની આ કાર્યવાહી શહેરમાં વધતી નશાની ચેઇન સામે એક મહત્વપૂર્ણ પગલું માનવામાં આવી રહ્યું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ