CANADA / કેનેડાને વિદ્યાર્થીઓ ખટક્યા, જવું અને રહેવું બન્યું અઘરું, છ લાખથી વધુ સ્ટડી પરમિટ કરશે રિજેક્ટ

ભારતીય વિદ્યાર્થીઓમાં કેનેડામાં અભ્યાસનો ક્રેઝ પહેલેથી જ વધારે રહ્યો છે.. ભારતમાંથી પ્રતિવર્ષ મોટી સંખ્યામાં વિદ્યાર્થીઓ અભ્યાસ અર્થે કેનેડા જાય છે.. જો કે કેનેડામાં અભ્યાસનો ક્રેઝ માત્ર ભારતમાં જ નહીં પરંતુ વિશ્વના ઘણા દેશોમાં જોવા મળે છે.. જેને કારણે કેનેડામાં ઇન્ટરનેશનલ સ્ટુડન્ટની સંખ્યા ખુબજ વધી રહી છે.. અને આ સંખ્યા વધવાને કારણે કેનેડામાં હાઉસિંગની સમસ્યા પણ સર્જાઇ છે..જસ્ટીન ટ્રુડોની સરકાર પર આ મામલે દબાણ વધતા હવે ટ્રુડોની સરકાર ઇન્ટરનેશનલ સ્ટુડન્ટ્સની સંખ્યા ઘટાડવા માટે એકશનમાં આવી છે.. 

સ્ટુડન્ટ વિઝાની સંખ્યા નિર્ધારિત કરી

કેનેડાએ જાહેર કર્યુ છે કે તે આગામી સમયમાં આંતરરાષ્ટ્રીય વિદ્યાર્થીઓની સંખ્યાને નિયંત્રિત કરશે. કેનેડાએ આ માટે આગામી 2 વર્ષ માટે સ્ટુડન્ટ વિઝાની સંખ્યા નિર્ધારિત કરી છે. કેનેડાએ વર્ષ 2024 માટે નક્કી કરેલી  સ્ટુડન્ટ વિઝાની સંખ્યા 4,85,000 ( ચાર લાખ પંચ્યાસી હજાર) છે. 

 6,06,000 સ્ટડી પરમિટ રિજેક્ટ કરશે

જાન્યુઆરી 22ના રોજ કેનેડામાં આંતરરાષ્ટ્રીય વિદ્યાર્થીઓના ઝડપી વધારાને નિયંત્રણમાં લેવા માટે સ્ટડી પરમિટની અરજીઓ પર નેશનલ કેપની જાહેરાત કરવામાં આવી હતી.. 2024 માટે પ્રાંતીય અને પ્રાદેશિક ફાળવણીને હવે આખરી ઓપ આપવામાં આવ્યો છે. જે  મુજબ કેનેડા 6,06,000 સ્ટડી પરમિટ રિજેક્ટ કરશે.

આ પણ વાંચોઃ હિંદુ લગ્નમાં કન્યાદાન વિધિ જરુરી નહીં, સાત ફેરા લગ્ન માટે પૂરતાં- HCનો મોટો ચુકાદો

આ કોર્સના વિદ્યાર્થીઓ નિયમથી બાકાત 

મહત્વની વાત એ છે કે અમુક શ્રેણીઓ  જેમ કે પ્રાથમિક અને માધ્યમિક શિક્ષણ અથવા માસ્ટર્સ તથા ડોક્ટરલ પ્રોગ્રામ્સ જેવી એડવાન્સ ડિગ્રીમાં અભ્યાસ કરતા વિદ્યાર્થીઓ માટે મર્યાદાનો આ નિયમ લાગુ નહીં પડે.  જે વિદ્યાર્થીઓને આ મર્યાદામાંથી મુક્તિ આપવામાં આવી છે તેમની સંખ્યાને ધ્યાનમાં લઇએ તો સ્ટડી પરમીટનો લક્ષ્યાંક 2,36,000 જેટલી થાય છે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો