સ્પોર્ટ્સ / કોહલી સાથે ફોટો શેર કરતા જ યજુવેન્દ્ર ચહલના વધી ગયા ફોલોઅર્સ? જાણો શું છે સચ્ચાઇ

યુઝવેન્દ્ર ચહલ IPL 2024માં સતત પર્પલ કેપની રેસમાં છે, તો બીજી તરફ વિરાટ કોહલીએ સૌથી વધુ રન બનાવીને ઓરેન્જ કેપ પર કબજો જમાવી રાખ્યો છે. આ દરમિયાન કોહલી અને ચહલને લઈને ખૂબ જ રસપ્રદ દાવો કરવામાં આવી રહ્યો છે. એવું કહેવામાં આવી રહ્યું છે કે યુઝવેન્દ્ર ચહલના ઇન્સ્ટાગ્રામ પર વિરાટ કોહલી સાથેની તસવીર પોસ્ટ કરતાની સાથે જ તેના 10 મિલિયન ફોલોઅર્સ વધી ગયા. પરંતુ શું આ દાવામાં ખરેખર હકીકત છે? જાણીએ શું છે સમગ્ર મામલો.

તમને જણાવી દઈએ કે, રવિવાર, 06 એપ્રિલના રોજ, IPL 2024ની 19મી મેચ રોયલ ચેલેન્જર્સ બેંગલુરુ અને રાજસ્થાન રોયલ્સ વચ્ચે જયપુરના સવાઈ માનસિંહ સ્ટેડિયમમાં રમાઈ હતી. આ મેચ દરમિયાન યુઝવેન્દ્ર ચહલ વિરાટ કોહલી સાથે મસ્તી કરતો જોવા મળ્યો હતો. મેચમાં બ્રેક દરમિયાન ચહલ કોહલીના બેટને સ્વિંગ કરતો જોવા મળ્યો હતો. આ દરમિયાન આરસીબી બેટિંગ કરી રહ્યું હતું અને રાજસ્થાન બોલિંગ કરી રહ્યું હતું. ચહલ અને કોહલીનો આ ભાઈચારો ચાહકોને ખૂબ પસંદ આવ્યો હતો.

 

 

 

 

View this post on Instagram

 

 

 

 

 

 

 

 

 

 

 

A post shared by Yuzvendra Chahal (@yuzi_chahal23)

આ મેચ બાદ ચહલે વિરાટ કોહલી સાથેની એક તસવીર ઇન્સ્ટાગ્રામ પર શેર કરી હતી. તસવીરમાં ચહલનો કોહલીની કમરમાં હાથ અને કોહલીનો હાથ ચહલના ગળે લગાવીને રાખેલો દેખાય છે. ચહલે આ તસવીરને ખૂબ જ સુંદર કેપ્શન આપ્યું અને લખ્યું, "તમે હંમેશા મારા વિરાટ ભૈયા રહેશો."

આ તસવીર પછી દાવાઓ થવા લાગ્યા કે 2-3 દિવસમાં ચહલના 10 મિલિયન ફોલોઅર્સની વધી ગયા. સોશિયલ મીડિયા પ્લેટફોર્મ પર એક યુઝરે પોતાની પોસ્ટમાં બે તસવીરો શેર કરી, જેમાં એક તરફ ચહલના 9.4 મિલિયન ફોલોઅર્સ અને બીજી તરફ 19.4 મિલિયન ફોલોઅર્સ દેખાઈ રહ્યા છે. આ તસ્વીર પર દાવા સાથે લખવામાં આવ્યું કે કોહલી સાથે પ્રોફાઈલ ફોટો અપડેટ કરવાની સાથે જ ચહલના 10 મિલિયન ફોલોઅર્સ વધી ગયા. 

Yuzi Chahal gained 10M + Followers in 2 days after updating his profile pic with Virat Kohli.

Virat Kohli is massive 👑 #ViratKohli pic.twitter.com/Qsgv0bLaOU

— Mahiya18 (@18Mahiya) April 8, 2024

વધુ વાંચો: આખરે પૃથ્વી શૉનું સપનું પૂર્ણ થયું, ખરીદ્યો મુંબઇમાં 16.5 કરોડનો આલિશાન બંગલો, શેર કરી તસવીરો

સદંતર ખોટો છે આ દાવો 

તમને જણાવી દઈએ કે આ દાવો બિલકુલ ખોટો છે, આવું કંઈ થયું નથી. આ સમાચાર લખાયા ત્યાં સુધી ચહલના ઇન્સ્ટાગ્રામ પર 9.4 મિલિયન ફોલોઅર્સ છે. સોશિયલ મીડિયા પર વાયરલ થઈ રહેલી તસવીરો એડિટ થયેલી છે અને તેમાં કોઈપણ પ્રકારની સત્યતા નથી.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો