સ્પોર્ટ્સ / પાકિસ્તાન જ નહીં, એશિયા કપમાં આ ટીમ છે ભારત માટે જોખમકારક, આંકડા ડરામણા!

એશિયા કપ 2025ની શરૂઆત 9 સપ્ટેમ્બરથી એટલે કે આજથી થવા જઈ રહી છે. ભારતનો પહેલો મુકાબલો 10 સપ્ટેમ્બરે UAE સામે છે. આ વખતે ટીમ ઈન્ડિયાની કેપ્ટનશીપ સૂર્યકુમાર યાદવ સંભાળી રહ્યા છે અને સ્ક્વાડને ટૂર્નામેન્ટની સૌથી મજબૂત ટીમ માનવામાં આવી રહી છે.

ભારત માટે ખિતાબ જીતવો એટલો સરળ નથી. ભારતની ટક્કર પાકિસ્તાન સિવાય પણ અનેક ટીમ સાથે થશે. જેમાં રસાકસીનો માહોલ સર્જાશે.

આ વખતે એશિયા કપમાં કુલ 8 ટીમો ભાગ લઈ રહી છે, જેને 4-4ના બે ગ્રુપમાં વહેંચવામાં આવી છે. ભારત અને પાકિસ્તાન એક જ ગ્રુપમાં છે. પ્રથમ મુકાબલા બાદ ભારતનો બીજો મુકાબલો પાકિસ્તાન સામે જ રહેશે. પરંતુ જે ટીમ ભારત માટે સૌથી મોટો ખતરો બની શકે છે, તે છે શ્રીલંકા.

ભારત અને શ્રીલંકા

એશિયા કપના ઈતિહાસમાં અત્યાર સુધી ભારત અને શ્રીલંકા વચ્ચે કુલ 23 મુકાબલા રમાયા છે. જેમાં ભારતે 12 વાર જીત મેળવી છે, જ્યારે 11 વખત ભારતને શ્રીલંકા સામે હારનો સામનો કરવો પડ્યો છે. આ આંકડાઓ દર્શાવે છે કે શ્રીલંકા હંમેશા ભારત માટે એક અઘરો પડકાર રહ્યું છે.

માત્ર ઈતિહાસમાં જ નહીં, પરંતુ હાલની પરિસ્થિતિમાં પણ શ્રીલંકાની ટીમ મજબૂત દેખાઈ રહી છે. હેડ કોચ સનથ જયસૂર્યાના આવ્યાં બાદ ટીમે અનેક મેચમાં પ્રભાવશાળી પ્રદર્શન કર્યું છે. શ્રીલંકા ગ્રુપ ‘બી’માં છે, જેમાં તેમની સાથે અફઘાનિસ્તાન, બાંગ્લાદેશ અને હોંગકોંગની ટીમો સામેલ છે.

જો આંકડાઓની વધુ ચર્ચા કરીએ તો, ભારતે પાકિસ્તાન સામે એશિયા કપમાં કુલ 10 મુકાબલા જીતી લીધાં છે, જ્યારે માત્ર 6માં હાર મળી છે. બાંગ્લાદેશ સામે ભારતે 13 વખત જીત મેળવી છે અને માત્ર 2 મુકાબલા જ ગુમાવ્યાં છે.

વધુ વાંચો : આવતીકાલથી એશિયા કપનો પ્રારંભ, આ પ્લેટફોર્મ પરથી જોઈ શકાશે લાઈવ, જાણો ડિટેઈલ

એશિયા કપ 2025 ભારત સ્ક્વાડ

સૂર્યકુમાર યાદવ (કેપ્ટન), શુભમન ગિલ (ઉપકેપ્ટન), અભિષેક શર્મા, તિલક વર્મા, હાર્દિક પંડ્યા, શિવમ દુબે, જિતેશ શર્મા, અક્ષર પટેલ, જસપ્રીત બુમરાહ,વરુણ ચક્રવર્તી, અર્શદિપ સિંહ, કુલદીપ યાદવ, સંજુ સેમસન, હર્ષિત રાણા, રિંકુ સિંહ.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ