BCCI Rules for IPL 2026: ભારતીય ક્રિકેટ કંટ્રોલ બોર્ડ એટલે કે BCCI એ IPL 2026 માટે અમુક ગાઈડલાઇન્સ જાહેર કરી છે. BCCI એ નવા બહાર પાડેલા આદેશમાં અમુક વાતને સ્પષ્ટ કરી છે કે દરેક ટીમ અને પ્લેયર્સે કઈ કઈ વાતનું ધ્યાન રાખવું જરૂરી છે. હવે દરેક ટીમનો દરેક પ્લેયર માત્ર બસમાં જ ટ્રાવેલ કરશે. આ પહેલા 12 માર્ચના પણ અમુક નિયમો સામે આવ્યા હતા જેમાં હવે અંતિમ દિશાનિર્દેશ બીસીસીઆઇએ જાહેર કર્યા છે તે દરેક ટીમે ફોલો કરવા જરૂરી છે. મેચ ડે પર કોઈપણ પ્રેક્ટિસ સેશનને મંજૂરી આપવામાં આવશે નહીં.
એક સ્પોર્ટ્સ રિપોર્ટ મુજબ BCCIએ મુંબઈના વનખેડે સ્ટેડિયમમાં પણ એક અલગ વ્યવસ્થા કરી છે. જ્યાં ટીમને મેન ચોકના બંને તરફ 2-2- પ્રેક્ટિસ વિકેટ આપવામાં આવશે. જેમ પહેલા કહેવામાં આવ્યું હતું તેમ કોઈ પણ ટીમે સામેની ટીમને ફાળવવામાં આવેલા પ્રેક્ટિસ વિકેટનો ઉપયોગ કરવાની પરમીશન આપવામાં આવશે નહીં. ટીમ મેનેજર્સને બીસીસીઆઇએ નવી ગાઈડલાઇન્સ મોકલી આપી છે.
- ટીમોને પ્રેક્ટિસ એરિયામાં 2 નેટ અને મુખ્ય ચોક પર 1 સાઇડ વિકેટ ફાળવવામાં આવશે. જ્યાં તેઓ રેન્જ હિટિંગમાં જોડાઈ શકે છે. મુંબઈ સ્થળ માટે જો બંને ટીમો એક સાથે પ્રેક્ટિસ કરી રહી હોય તો દરેક ટીમને બે પીચ ફાળવવામાં આવશે.
- કોઈપણ ઓપન નેટ રાખવાની મંજૂરી આપવામાં આવશે નહીં.
- જો કોઈ ટીમ તેની પ્રેક્ટિસ વહેલી પૂરી કરે છે તો બીજી ટીમને પ્રેક્ટિસ માટે તે પીચનો ઉપયોગ કરવાની પરવાનગી આપવામાં આવશે નહીં.
- મેચના દિવસે પ્રેક્ટિસ કરવાની મંજૂરી આપવામાં આવશે નહીં.
- મેચના દિવસે, મુખ્ય ચોક પર કોઈ ફિટનેસ ટેસ્ટ નહીં થાય. જે અત્યાર સુધી એક નિયમિત ઘટના હતી.
- પ્રેક્ટિસ દિવસો દરમિયાન (ટુર્નામેન્ટ પહેલા અને ટુર્નામેન્ટ દરમિયાન) ફક્ત માન્યતા પ્રાપ્ત સ્ટાફને જ ડ્રેસિંગ રૂમ અને રમતના મેદાનમાં પ્રવેશવાની મંજૂરી આપવામાં આવશે. પ્લેયર્સના પરિવારના સભ્યો અને મિત્રો અલગ વાહનમાં મુસાફરી કરી શકે છે અને હોસ્પિટાલિટી વિસ્તારમાંથી ટીમની પ્રેક્ટિસનું નિરીક્ષણ કરી શકે છે. વિસ્તૃત સપોર્ટ સ્ટાફ (થ્રો-ડાઉન નિષ્ણાતો/નેટ બોલરો) ની યાદી મંજૂરી માટે BCCI ને સબમિટ કરવી આવશ્યક છે. મંજૂરી મળ્યા પછી મેચ-ડે સિવાયના માન્યતાપત્રો જારી કરવામાં આવશે.
- પ્લેયર્સ પ્રેક્ટિસ માટે આવતી વખતે ટીમ બસનો ઉપયોગ કરશે. ટીમો બે બેચમાં મુસાફરી કરી શકે છે.
- મેચના દિવસોમાં પ્રેક્ટિસ અથવા ફિટનેસ ટેસ્ટ સંબંધિત કોઈપણ રિક્વેસ્ટ માટે વેન્યુ મેનેજર POC હશે.
આ ઉપરાંત મેચ ડે માટે પણ ગાઈડલાઇન્સ બહાર પાડવામાં આવી છે.
- પ્લેયર અને મેચ ઓફિસિયલ્સ એરિયા (PMOA) દ્વારા માન્યતા પ્રાપ્ત સ્ટાફ માટે મેચના દિવસોમાં તેમનું અક્રેડિટેશન સાથે રાખવું ફરજિયાત છે. અક્રેડિટેશન રજૂ કરવામાં નિષ્ફળ રહેવાના પ્રથમ કિસ્સામાં ચેતવણી આપવામાં આવશે. બીજા કિસ્સામાં ટીમ પર નાણાકીય દંડ લાદવામાં આવશે.
- હિટિંગ નેટ પૂરા પાડવા છતાં પ્લેયર્સ LED બોર્ડ મારવાનું ચાલુ રાખે છે. ટીમોને આનું પાલન કરવા વિનંતી કરવાં આવી છે.
- પ્લેયર્સ અને સપોર્ટ સ્ટાફે LED બોર્ડની સામે બેસવું નહિ. સ્પોન્સરશિપ ટીમ રમતના મેદાનમાં ચોક્કસ સ્થળોને ચિહ્નિત કરશે જ્યાં અવેજી પ્લેયર્સ , ટુવાલ અને પાણીની બોટલો લઈને બેસી શકે છે.
- પ્લેયર્સ ઓરેન્જ અને પર્પલ કેપ્સ પહેરશે. જો પ્લેયર્સ કેપ્સ પહેરતા નથી તો તેમને પ્રથમ બે ઓવર માટે કેપ્સ પહેરવા માટે બ્રૉડકાસ્ટ થાય ત્યાં સુધી કેપ પહેરવા અનુરોધ કરવામાં આવે છે.
- મેચ પછીની પ્રેઝન્ટેશન દરમિયાન ફ્લોપી ટોપી અથવા સ્લીવલેસ જર્સી પહેરવાની પરવાનગી નથી. પાલન કરવામાં નિષ્ફળતાના પરિણામે પ્રથમ ગુના માટે ચેતવણી આપવામાં આવશે. બીજા ગુના માટે નાણાકીય દંડ લાદવામાં આવશે.
- મેચના દિવસોમાં - IPL 2025 સીઝનની જેમ - ટીમ ડૉક્ટર સહિત ફક્ત 12 માન્યતા પ્રાપ્ત સપોર્ટ સ્ટાફ સભ્યોને જ મંજૂરી આપવામાં આવશે.
- જર્સી નંબરમાં ફેરફાર થવાના કિસ્સામાં કપડાં અને સાધનોની માર્ગદર્શિકામાં દર્શાવેલ નિયમ મુજકબ 24 કલાક અગાઉથી જાણ કરવાની રહેશે.
બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ
