સ્પોર્ટ્સ / BCCIના બ્રોડકાસ્ટ એન્જીનિયરની ડેડબોડી મળતા હડકંપ, IPL કવર કરવાની હતી જવાબદારી

BCCI Ian Langford News: મુંબઈમાં IPLની ધૂમ વચ્ચે એક ચોંકાવનારી ઘટના સામે આવી છે. બ્રિટિશ નાગરિક અને BCCIના બ્રોડકાસ્ટ એન્જિનિયર ઇયાન વિલિયમ લેંગફોર્ડ હોટેલના રૂમમાં મૃત હાલતમાં મળતા સનસની ફેલાઈ છે.

આ અંગે મળતી માહિતી અનુસાર ઇયાન વિલિયમ લેંગફોર્ડ BCCI માટે આઈપીએલ મેચોના બ્રોડકાસ્ટ એન્જિનિયર તરીકે કામ કરતા હતા અને તેઓ મુંબઈની ટ્રાઈડેન્ટ ( Trident Hotel Mumbai)માં 24 માર્ચથી રોકાયા હતા. 29 માર્ચે મેચ પૂરી થયા પછી તેઓ પોતાના રૂમમાં પરત ફર્યા હતા. પરંતુ બીજા દિવસે રિસેપ્શન તરફથી કરવામાં આવેલા કોલનો કોઈ જવાબ મળ્યો નહોતો. શંકા જતા હોટેલ સ્ટાફે માસ્ટર કીથી રૂમ ખોલ્યો જ્યાં ઇયાન ફ્લોર પર પડેલા હાલતમાં મળી આવ્યા.

આ પણ વાંચો: રાજસ્થાન રોયલ્સે CSKને 8 વિકેટે હરાવ્યું, વૈભવ સૂર્યવંશીની શાનદાર ફિફ્ટી

તાત્કાલિક હોટેલના ડૉક્ટરને બોલાવવામાં આવ્યા જેમણે તપાસ બાદ તેમને મૃત જાહેર કર્યા. ઘટનાની જાણ થતા મરીન ડ્રાઈવ પોલીસ સ્થળ પર પહોંચી અને તપાસ શરૂ કરી. હાલ મૃત્યુનું ચોક્કસ કારણ જાણવા માટે પોસ્ટમોર્ટમ રિપોર્ટની રાહ જોવામાં આવી રહી છે. નોંધનીય છે કે તે જ દિવસે વાનખેડે સ્ટેડિયમમાં (Wankhede Stadium) ખાતે રમાયેલી આઈપીએલ મેચમાં મોટી સંખ્યામાં દર્શકો ઉમટ્યા હતા. અને આખા મુંબઈ શહેરમાં ક્રિકેટનો ઉત્સાહ છવાયો હતો જે વચ્ચે આ સમાચાર આવતા હવે પોલીસે તપાસ તેજ કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ