સ્પોર્ટ્સ / 'ફોર્મમાં આવ નહીંતર બહાર કરી દઇશ..', કોચ ગૌતમ ગંભીર આ ક્રિકેટરને આપી હતી વોર્નિંગ, થયો ખુલાસો

ભારત અને ઑસ્ટ્રેલિયા વચ્ચેની ત્રણ મેચની વનડે સિરીઝમાં ભલે ટીમ ઈન્ડિયાને 1-2થી હારનો સામનો કરવો પડ્યો હોય, પરંતુ સિડનીમાં રમાયેલ છેલ્લી વનડે મેચમાં ટીમ ઈન્ડિયાએ જબરદસ્ત જીત મેળવી હતી. ભારતીય ટીમે 237 રનના લક્ષ્યનો પીછો કરતા ફક્ત 38.3 ઓવરમાં 9 વિકેટથી જીત મેળવી. આ જીતમાં રોહિત શર્મા (121)* અને *વિરાટ કોહલી (74)**ની બેટિંગ સાથે હર્ષિત રાણાની બોલિંગે પણ મહત્વપૂર્ણ ભૂમિકા ભજવી હતી.

ગૌતમ ગંભીરની સખ્ત ચેતવણી બાદ બદલાઈ રમતની દિશા

હર્ષિત રાણાએ સિડની વનડેમાં 39 રનમાં ચાર મહત્વપૂર્ણ વિકેટ લઈને મેચનો રૂખ બદલી દીધો. પરંતુ આ પ્રદર્શન પાછળ હતી હેડ કોચ ગૌતમ ગંભીરની સખ્ત વૉર્નિંગ. મીડિયા રિપોર્ટ્સ મુજબ, સિડની મેચ પહેલા ગંભીરએ હર્ષિતને સ્પષ્ટ શબ્દોમાં કહ્યું હતું, પરફોર્મ કર, નહીં તો બહાર બેસાડી દઈશ. હર્ષિતના બાળપણના કોચ શરવને ખુલાસો કર્યો કે હર્ષિત મેચ પહેલાં ભારે દબાણમાં હતો અને તેને આ ટીકા-ટિપ્પણીઓનો જવાબ પોતાના પ્રદર્શનથી આપવાનો હતો.

કોચ શરવનનો ખુલાસો

શરવને જણાવ્યું, હર્ષિતે મને કહ્યું કે તે સૌના શબ્દોનો જવાબ ફક્ત પોતાના બોલિંગથી આપશે. મેં તેને કહ્યું કે તું ફક્ત પોતાના પર વિશ્વાસ રાખ. ગંભીર હંમેશાં ટેલેન્ટને સપોર્ટ કરે છે, પણ પરફોર્મન્સ માટે કડક પણ બને છે. તે સાથે શરવને પૂર્વ ક્રિકેટર કૃષ્ણમાચારી શ્રીકાંત પર પણ નિશાન સાધ્યું, જેમણે હર્ષિતને ગંભીરનો ‘યેસ મેન’ ગણાવ્યો હતો. શરવને કહ્યું કે, આ રીતે યુવા ખેલાડીઓ પર આક્ષેપ કરવો યોગ્ય નથી. સલાહ આપવી એક વાત છે, પરંતુ પબ્લિસિટી માટે કોઈનું કરિયર બગાડવું ખોટું છે.

આ પણ વાંચો: આફ્રિકા સીરિઝ પહેલા જ ટીમ ઇન્ડિયાને લાગ્યો મોટો ઝટકો, વિસ્ફોટક બેટર થયો બહાર

હર્ષિતનો રિવેન્જ સ્પેલ

છેલ્લી બે મેચમાં નિરાશાજનક પ્રદર્શન પછી હર્ષિત પર ભારે દબાણ હતું. પરંતુ સિડની વનડેમાં તેમણે પોતાના સ્પેલથી બધા આક્ષેપોનું મૌન જવાબ આપ્યો. ચાર વિકેટ લઈ તેમણે ઑસ્ટ્રેલિયાના ટોપ-ઓર્ડરને ધ્વસ્ત કરી દીધો અને ટીમ ઈન્ડિયાને મજબૂત સ્થિતિમાં પહોંચાડી દીધી. હર્ષિત હવે આવનારી પાંચ મેચોની T20 સિરીઝમાં ફરી મેદાનમાં ઉતરવા તૈયાર છે અને ફેન્સ તેમની બોલિંગની આતુરતાથી રાહ જોઈ રહ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ