ક્રિકેટ / રોહિતે બનાવ્યો ખાસ રેકોર્ડ, આંતરરાષ્ટ્રીય ક્રિકેટમાં આવું કરનાર બન્યો માત્ર ત્રીજો ભારતીય

સિડનીમાં ભારત અને ઑસ્ટ્રેલિયા વચ્ચે ચાલી રહેલા ત્રીજા વનડે મેચમાં રોહિત શર્માએ શાનદાર શતક ફટકાર્યું છે. આ ઇનિંગ્સ સાથે રોહિતે ફક્ત મેચ જ નહીં, પરંતુ અનેક રેકૉર્ડ્સ પણ તોડી નાંખ્યા છે. આ શતક સાથે રોહિત શર્માએ આંતરરાષ્ટ્રીય ક્રિકેટના ત્રણેય ફોર્મેટ (ટેસ્ટ, વનડે, ટી20) પોતાનું 50મું શતક પૂરું કર્યું છે. આ ઉપલબ્ધિ સુધી પહોંચનારા રોહિત સચિન તેંડુલકર અને વિરાટ કોહલી બાદ ત્રીજા ભારતીય ખેલાડી બન્યા છે.

2 વર્ષ પછી વનડેમાં શતક

રોહિતે વનડેમાં 2 વર્ષ પછી શતક ફટકાર્યું છે. છેલ્લે તેમણે 2023ના વર્લ્ડ કપમાં અફઘાનિસ્તાન સામે શતક બનાવ્યું હતું. સિડનીની ઇનિંગ્સે ફરી સાબિત કર્યું કે “હિટમેન” હજી પણ પૂરા ફોર્મમાં છે.

કોહલીને પાછળ છોડ્યો

આ શતક સાથે રોહિતે ઑસ્ટ્રેલિયામાં સૌથી વધુ વનડે શતક બનાવનારા વિદેશી ખેલાડીઓમાં વિરાટ કોહલી અને કુમાર સંગકારાને પાછળ છોડ્યા છે.

• રોહિત શર્મા – 6 શતક
• વિરાટ કોહલી – 5 શતક
• કુમાર સંગકારા – 5 શતક

રોહિતના અત્યાર સુધીના શતક

• વનડેમાં – 33 શતક
• ટેસ્ટમાં – 12 શતક
• ટી20 ઈન્ટરનેશનલમાં – 5 શતક
• કુલ – 50 આંતરરાષ્ટ્રીય શતક

વધુ વાંચો : ક્રિકેટ જગતમાં હડકંપ, ઈન્દોરમાં ઓસ્ટ્રેલિયન મહિલા ક્રિકેટરોની થઈ સરેઆમ છેડતી, હોટલ બહાર શું બન્યું?

રોહિત હવે વિશ્વના માત્ર 10મા એવા ક્રિકેટર બન્યા છે જેમણે આંતરરાષ્ટ્રીય સ્તરે 50 શતકનો આંકડો પાર કર્યો છે. સિડનીમાં રમાયેલી આ પારી બાદ ચાહકો સોશિયલ મીડિયા પર રોહિતની વખાણ કરી રહ્યાં છે. ઘણા ફેન્સે લખ્યું કે, કૅપ્ટન્સી જાય તો શું, ક્લાસ હજી પણ રહ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ