ક્રિકેટ / મહિલા વર્લ્ડ કપમાં વિજેતા ટીમ પર થશે રુપિયાનો વરસાદ, જાણો કેટલી મળશે પ્રાઈઝ મની

World Cup Prize Money: મહિલા વર્લ્ડ કપ 2025ની ફાઇનલ અને ભારત અને દક્ષિણ આફ્રિકા વચ્ચે મુંબઈમાં રમાઈ રહી છે. દક્ષિણ આફ્રિકા સેમિફાઇનલમાં ચાર વખતના ચેમ્પિયન ઇંગ્લેન્ડને હરાવીને ફાઇનલમાં પહોંચ્યું હતું. ભારત ચાર વખતના ચેમ્પિયન ઓસ્ટ્રેલિયાને હરાવીને સેમિફાઇનલમાં પણ પહોંચ્યું છે. આઠ ટીમોના આ મેગા ઇવેન્ટમાં પહેલીવાર 13.88 મિલિયન યુએસ ડૉલર (લગભગ 122 કરોડ રૂપિયા)ની મોટી ઇનામી રકમ રાખવામાં આવી છે, જે 2023માં ભારત દ્વારા આયોજિત IPL અને પુરુષ વર્લ્ડ કપ કરતા પણ વધુ છે.

આ રકમ અગાઉના વર્લ્ડ કપ કરતા ચાર ગણી વધુ

આ રકમ 2022માં ન્યૂઝીલેન્ડ દ્વારા આયોજિત અગાઉના મહિલા વર્લ્ડ કપ કરતા ચાર ગણાથી વધુ છે. ICCએ તે ટુર્નામેન્ટ માટે કુલ 3.5 મિલિયન યુએસ ડૉલર (આશરે રુપિયા 30 કરોડ)ની ઇનામી રકમ અલગ રાખી હતી. 2025ના મહિલા વર્લ્ડ કપ માટે ઇનામી રકમ પણ 2023ના પુરુષ વર્લ્ડ કપ કરતા વધુ છે. 2023ના પુરુષ વર્લ્ડ કપમાં 1 કરોડ યુએસ ડૉલરની ઇનામી રકમ હતી. આ વખતે, મહિલા ક્રિકેટને પ્રોત્સાહન આપવા માટે, ICCએ ઇનામી રકમમાં નોંધપાત્ર વધારો કર્યો છે.

વિજેતા તેમજ ઉપવિજેતાને મળશે આટલા રુપિયા

2025 મહિલા ક્રિકેટ વર્લ્ડ કપના વિજેતાને 4.48 મિલિયન યુએસ ડૉલર (આશરે રુપિયા 40 કરોડ) મળશે. આ 2022ના વિજેતા ઓસ્ટ્રેલિયા કરતા લગભગ ચાર ગણું છે, જેને 1.32 મિલિયન ડૉલર મળ્યા હતા. દરમિયાન, રનર-અપને 2.24 મિલિયન યુએસ ડૉલર (આશરે રુપિયા 20 કરોડ) મળશે. આ 2022ના વિજેતા ઇંગ્લેન્ડ કરતા લગભગ ચાર ગણું છે, જેને 6,00,000 ડૉલર મળ્યા હતા.

ગ્રુપ સ્ટેજમાં રહેનાર ટીમને મળશે આટલું ઈનામ

ગ્રુપ સ્ટેજમાં રહેલી બધી ટીમોને ઓછામાં ઓછા 250,000 ડૉલર (આશરે રુપિયા 2.20 કરોડ) મળશે. વધુમાં, ગ્રુપ મેચ જીતનારી દરેક ટીમને પ્રતિ જીત 34,314 ડૉલર (આશરે રુપિયા 30 લાખ) મળશે. પોઈન્ટ ટેબલમાં પાંચમા અને છઠ્ઠા ક્રમે રહેનારી ટીમોને 700,000 ડૉલર (આશરે રુપિયા 6 કરોડ) મળશે. સાતમા અને આઠમા ક્રમે રહેનારી ટીમોને 280,000 ડૉલર (રુપિયા 2.5 કરોડ) મળશે.

વધુ વાંચો : હોસ્પિટલમાં દાખલ શ્રેયસ ઐયરને લઈને સામે આવ્યાં મોટા સમાચાર, ક્રિકેટ જગતમાં કંપારી

જાણો કોને કેટલી ઈનામી રકમ મળશે

• વિજેતા ટીમ - રુ. 40 કરોડ (4.48 મિલિયન ડૉલર)
• રનર-અપ ટીમ - રુ. 20 કરોડ (2.24 મિલિયન ડૉલર)
• સેમિફાઇનલમાં હારેલી ટીમો (દરેક) - રુ.10 કરોડ (1.12 મિલિયન ડૉલર)
• ગ્રુપ સ્ટેજમાં ભાગ લેતી દરેક ટીમ - રુ. 2.20 કરોડ (0.25 મિલિયન ડૉલર)
• ગ્રુપ મેચ જીતનાર (દરેક) - રુ. 30 લાખ (34,314 ડૉલર)
• પાંચમું સ્થાન - રુ. 6 કરોડ (0.7 મિલિયન ડૉલર)
• છઠ્ઠું સ્થાન - રુ. 6 કરોડ (0.7 મિલિયન ડૉલર)
• 7મું સ્થાન - રુ. 2.5 કરોડ (0.28 મિલિયન ડૉલર)
• 8મું સ્થાન - રુ. 2.5 કરોડ (0.28 મિલિયન ડૉલર)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ