IND vs PAK / એશિયા કપમાં ભારત-પાકિસ્તાનની ફાઈનલ જંગ, કોનું પલડું ભારે? જુઓ હેડ ટુ હેડ રેકોર્ડ

એશિયા કપના 41 વર્ષના ઈતિહાસમાં પહેલી વાર ભારત અને પાકિસ્તાન ફાઈનલમાં આમને-સામને આવશે. રવિવારે (28 સપ્ટેમ્બર) દુબઈ ઇન્ટરનેશનલ ક્રિકેટ સ્ટેડિયમમાં રમાનાર આ મુકાબલો ક્રિકેટપ્રેમીઓ માટે ખરેખર રોમાંચથી ભરેલો બનશે.

સૂર્યકુમાર યાદવની આગેવાનીમાં ટીમ ઈન્ડિયાએ અત્યાર સુધી અપરાજિત અભિયાન કર્યું છે. તમામ છ મેચોમાં જીત સાથે, તેમાં પાકિસ્તાન પરની બે જીતનો સમાવેશ થાય છે. હવે ટીમનો લક્ષ્ય નવમી વાર એશિયા કપ ટ્રોફી પર કબજો જમાવવાનો છે.

ગ્રીન બ્રિગેડનો સફર ઉતાર–ચઢાવવાળો રહ્યો. તેમને માત્ર ભારત સામે જ બે વખત હારનો સામનો કરવો પડ્યો, જ્યારે બાકીના તમામ મુકાબલાઓમાં વિજય મેળવ્યો. હવે ત્રીજી વાર ખિતાબ જીતવા (2012 પછી પહેલી વાર) પાકિસ્તાન પૂરેપૂરી તાકાત સાથે ઉતરશે.

પિચ અને પરિસ્થિતિ

દુબઈની પિચ સામાન્ય રીતે બેટ્સમેનોને અનુકૂળ હોય છે. તેમ છતાં બોલરો જો કસોટીની લાઈન અને લંબાઈ પર બોલિંગ કરે તો રન રોકી શકે છે. અહીં ટોસ જીતનાર ટીમ મોટાભાગે લક્ષ્યનો પીછો કરવાનું પસંદ કરે છે, કારણ કે બીજી ઇનિંગ્સમાં બેટિંગ સરળ ગણાય છે.

હેડ-ટુ-હેડ રેકોર્ડ (T20I)

• કુલ મુકાબલા: 15
• ભારત જીત્યું: 11
• પાકિસ્તાન જીત્યું: 03
• ટાઈ: 01
• છેલ્લો મુકાબલો: 21 સપ્ટેમ્બર 2025 (ભારત જીત્યું)

આ પણ વાંચોઃ વિશ્વ / લો બોલો, UNમાં તો પાકિસ્તાન કરગરવા લાગ્યું, ભારત સાથે વાતચીત કરવા તૈયાર

ભારતની સંભવિત ઇલેવન

અભિષેક શર્મા, શુભમન ગિલ, સૂર્યકુમાર યાદવ (કૅપ્ટન), તિલક વર્મા, સંજુ સેમસન (વિકેટકીપર), શિવમ દુબે, હાર્દિક પંડ્યા, અક્ષર પટેલ, કુલદીપ યાદવ, જસપ્રીત બુમરાહ, વર્ણ ચક્રવર્તી.

પાકિસ્તાનની સંભવિત ઇલેવન

સાહિબઝાદા ફરહાન, ફખર જમાન, સેમ અયૂબ, સલમાન આગા (કૅપ્ટન), હુસૈન તલત, મોહમ્મદ હારિસ (વિકેટકીપર), મોહમ્મદ નવાઝ, ફહિમ અશરફ, શાહીન અફરીદી, હારિસ રઉફ, અબરાર અહમદ.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ