IPL 2025 / દિલ્હી કેપિટલ્સે લખનૌને 8 વિકેટથી હરાવ્યું, રાહુલ અને અભિષેક પોરેલની અડધી સદી

દિલ્હીની ધમાકેદાર જીત

કેએલ રાહુલ અને અભિષેક પોરેલની અડધી સદીની મદદથી દિલ્હી કેપિટલ્સે લખનૌ સુપર જાયન્ટ્સને આઠ વિકેટે હરાવ્યું. લખનૌએ એડન માર્કરામની અડધી સદીની મદદથી 20 ઓવરમાં છ વિકેટે 159 રન બનાવ્યા, જેના જવાબમાં દિલ્હીએ 17.5 ઓવરમાં બે વિકેટે 161 રન બનાવીને મેચ જીતી લીધી. દિલ્હી તરફથી રાહુલે 42 બોલમાં ત્રણ ચોગ્ગા અને ત્રણ છગ્ગાની મદદથી અણનમ 57 રન બનાવ્યા, જ્યારે પોરેલે 36 બોલમાં પાંચ ચોગ્ગા અને એક છગ્ગાની મદદથી 51 રન બનાવ્યા. દિલ્હીએ આ સિઝનમાં લખનૌ સામેની બંને મેચ જીતી હતી. 

આ સાથે રાહુલે IPLમાં 5000 રન પણ પૂરા કર્યા. તે સૌથી ઓછી ઇનિંગ્સમાં આવું કરનાર બેટ્સમેન બની ગયો છે. રાહુલે ૧૩૦ ઇનિંગ્સમાં આ સિદ્ધિ મેળવી, ડેવિડ વોર્નરને પાછળ છોડી દીધો. વોર્નરે ૧૩૫ ઇનિંગ્સમાં આઈપીએલમાં ૫૦૦૦ રન પૂરા કર્યા.  

લખનૌની ઇનિંગ્સનો અંત

લખનૌ સુપર જાયન્ટ્સે દિલ્હી કેપિટલ્સ માટે 160 રનનો લક્ષ્યાંક આપ્યો હતો. દિલ્હીએ ટોસ જીતીને પહેલા બોલિંગ કરવાનો નિર્ણય લીધો હતો, પરંતુ એડન માર્કરામ અને મિશેલ માર્શે પ્રથમ વિકેટ માટે શાનદાર ભાગીદારી કરી. આ ભાગીદારી તૂટ્યા બાદ લખનૌની ઈનિંગ્સ ખખડી ગઈ અને ટીમ 20 ઓવરમાં છ વિકેટે 159 રન જ બનાવી શકી. લખનૌ તરફથી, માર્કરામે 33 બોલમાં બે ચોગ્ગા અને ત્રણ છગ્ગાની મદદથી સૌથી વધુ 52 રન બનાવ્યા, જ્યારે માર્શે 36 બોલમાં ત્રણ ચોગ્ગા અને એક છગ્ગાની મદદથી 45 રન બનાવ્યા.

દિલ્લીની દમાદાર બોલિંગ

ત્યારબાદ મુકેશ કુમારે બે રન બનાવીને અબ્દુલ સમદને આઉટ કર્યો. સારી બેટિંગ કરી રહેલા મિશેલ માર્શ પણ મુકેશ કુમારનો શિકાર બન્યા. ત્યારબાદ ઇમ્પેક્ટ પ્લેયર તરીકે આવેલા આયુષ બદોનીએ ડેવિડ મિલર સાથે મળીને પાંચમી વિકેટ માટે 49 રનની ભાગીદારી કરી પરંતુ મુકેશ કુમારે બદોનીને બોલ્ડ કરી દીધો. બદોની 21 બોલમાં છ ચોગ્ગાની મદદથી 36 રન બનાવીને આઉટ થયો હતો. રસપ્રદ વાત એ છે કે, લખનૌની ઇનિંગ સમાપ્ત થવા માટે બે બોલ બાકી હતા ત્યારે સુકાની ઋષભ પંત સાતમા નંબરે બેટિંગ કરવા આવ્યો.

વધુ વાંચો: શું ગિલના લગ્ન થઈ ગયા નક્કી?, IPL મેચમાં કોમેન્ટેટરે પૂછ્યો સવાલ તો આપ્યું મોટું અપડેટ

રિષભ પંતનું ખરાબ પ્રદર્શન

પંત આ મેચમાં ફક્ત બે બોલ રમવા આવ્યો હતો, પરંતુ તે પોતાનું ખાતું પણ ખોલી શક્યો ન હતો અને ઇનિંગના છેલ્લા બોલ પર મુકેશના બોલ પર બોલ્ડ થયો હતો. દિલ્હી તરફથી મુકેશ કુમારે શાનદાર બોલિંગ કરી અને ચાર વિકેટ લીધી, જ્યારે સ્ટાર્ક અને ચમીરાને એક-એક વિકેટ મળી. કુલદીપ યાદવ આ મેચમાં એક પણ સફળતા મેળવી શક્યો નહીં. આ સિઝનમાં આ પહેલી વાર છે જ્યારે કુલદીપ ખાલી હાથ રહ્યો.

બંને ટીમોની પ્લેઈંગ-11

લખનૌ સુપર જાયન્ટ્સ: એડન માર્કરામ, મિશેલ માર્શ, નિકોલસ પૂરન, રિષભ પંત (વિકેટકીપર અને કેપ્ટન), અબ્દુલ સમદ, ડેવિડ મિલર, શાર્દુલ ઠાકુર, દિગ્વેશ સિંહ રાઠી, રવિ બિશ્નોઈ, અવેશ ખાન, પ્રિન્સ યાદવ.

દિલ્હી કેપિટલ્સ: અભિષેક પોરેલ, કરુણ નાયર, કેએલ રાહુલ (વિકેટકીપર), અક્ષર પટેલ (કેપ્ટન), ટ્રિસ્ટન સ્ટબ્સ, આશુતોષ શર્મા, વિપરાજ નિગમ, મિશેલ સ્ટાર્ક, કુલદીપ યાદવ, દુષ્મંથા ચમીરા, મુકેશ કુમાર.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ