ટેક્નોલોજી / વારંવાર આવતા Spam Callથી છો પરેશાન? તો અપનાવો આ ટિપ્સ, થઇ જશે Block!

સ્પામ કોલ મોબાઇલ યુઝર્સ માટે માથાનો દુખાવો બની ગયો છે. તમે કોઈ જરુરી કામમાં લાગેલા હોય ત્યારે અચાનક તમારો ફોન વાગે છે. જવાબ આપતાં, તમને ખબર પડે છે કે કોઈ કંપની કાર્ડ અથવા સ્કીમ વેચી રહી છે. આ ઘણીવાર એટલું કંટાડાજનક બની જાય છે કે લોકો અનસેવ કરેલા નંબરો પરથી કોલ્સનો જવાબ આપવાનું બંધ કરી દે છે. જો તમે પણ સ્પામ કોલ્સથી પરેશાન છો, તો આવો જાણીએ આવા કોલને કેવી રીતે બ્લોક કરી શકાય.

કેવી રીતે બ્લોક કરો સ્પામ કોલ્સ?

• ડુ નોટ ડિસ્ટર્બ સેવા માટે રજિસ્ટર કરાવો: ટેલિકોમ કંપનીઓ ડુ નોટ ડિસ્ટર્બ સર્વિસ ઓફર કરે છે. તમે તમારા ટેલિકોમ સર્વિસ પ્રોવાઇડર્સને મેસેજ મોકલીને તમારા મોબાઇલ નંબર પર આ સર્વિસ એક્ટિવેટ કરી શકો છો. તમે કંપનીની વેબસાઇટની મુલાકાત લઈને પણ આ કરી શકો છો.

• તમારા ફોનના સ્પામ ફિલ્ટરનો ઉપયોગ કરોઃ સેમસંગ સહિત ઘણા ફોન બિલ્ટ-ઇન સ્પામ ફિલ્ટર્સ સાથે આવે છે. આ સ્પામ કોલ્સને અમુક હદ સુધી ફિલ્ટર કરવામાં મદદ કરી શકે છે. તેનો ઉપયોગ કરવાથી તમે આ સમસ્યાથી બચી શકો છો.

• સ્પામ બ્લોકિંગ એપ્સ: ગૂગલ પ્લે સ્ટોર અને એપલ એપ સ્ટોર પર ઘણી બધી થર્ડ-પાર્ટી એપ્સ ઉપલબ્ધ છે જે કોલર આઇડેન્ટિફિકેશનની સુવિધા આપે છે. આ એપ્સ સ્પામ કોલ ઓળખવામાં મદદ કરે છે અને તમને નંબર બ્લોક કરવાની મંજૂરી આપે છે.

આ પણ વાંચોઃ જો-જો Income Tax ના નામે ક્યાંક તમારી સાથે ફ્રોડ ના થઇ જાય! નવા સ્કેમથી સાવધાન

સ્પામ કોલરની ફરીયાદનું પણ ઓપ્શન

• જો તમને કોઈ અનરજિસ્ટર્ડ નંબર પરથી સ્પામ અથવા માર્કેટિંગ કોલ આવે છે, તો તમે સંચાર સાથી પોર્ટલ પર ફરિયાદ નોંધાવી શકો છો. આ કરવા માટે સંચાર સાથી પોર્ટલ પર જાઓ અને નાગરિક કેન્દ્રી સેવાઓ પર ટેપ કરો.
• પછી 'રિપોર્ટ સસ્પેક્ટેડ એન્ડ અનસોલિસિટેડ કોમર્શિયલ કોમ્યુનિકેશન્સ' પર ક્લિક કરો.
• એક નવું પેજ ખુલશે જ્યાં તમે ફરિયાદ નોંધાવી શકો છો.
• વિવિધ વિકલ્પોમાંથી પસંદ કરો અને ફોર્મ સબમિટ કરો.
• ધ્યાન રાખો કે તમારી ફરિયાદ સબમિટ કરવા માટે તમારી પાસે સ્ક્રીનશોટ હોવો જરુરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ