રાજનીતિ / સોનિયા ગાંધી રાજ્યસભા સાંસદ બન્યાં, રાજસ્થાનમાંથી બિનહરીફ ચૂંટાયા, દીકરી માટે ખાલી કરી બેઠક !

6 વારના લોકસભા સાંસદ સોનિયા ગાંધી હવે રાજ્યસભા સાંસદ બન્યાં છે. મંગળવારે રાજસ્થાનમાંથી સોનિયા ગાંધી બિનહરીફ ચૂંટાઈ આવ્યાં હતા. રાજ્યસભા સાંસદ તરીકે સોનિયાને આ પહેલો કાર્યકાળ છે. આ પહેલા તેઓ 6 વાર સાંસદ રહી ચૂક્યાં છે. 

श्रीमती सोनिया गांधी जी को राज्यसभा सदस्य निर्वाचित होने पर हार्दिक बधाई शुभकामनाएं। #SoniaGandhi pic.twitter.com/aoZ69VfFhr

— Jeetu Burdak (@Jeetuburdak) February 20, 2024

પ્રિયંકા ગાંધી માટે ખાલી કરી લોકસભા બેઠક
સોનિયા ગાંધી અત્યાર સુધી યુપીની રાયબરેલી બેઠક પરથી લોકસભા ચૂંટણી લડતાં હતા. તેઓ રાજ્યસભામાં જતાં હવે તેમની આ બેઠક ખાલી પડી છે. રાજનીતિમાં ચર્ચા છે કે પ્રિયંકા ગાંધીને રાયબરેલી બેઠક પરથી ચૂંટણી લડાવાનો કોંગ્રેસનો પ્લાન છે એટલે સોનિયા ગાંધીએ આ બેઠક ખાલી કરી હતી. 

વધુ વાંચો : રાયબરેલીથી નહીં, તો હવે ક્યાંથી ચૂંટણી લડશે સોનિયા ગાંધી? આ રાજ્ય સરકારે આપી જોરદાર ઑફર

ભાજપના બે ઉમેદવારો જીત્યા
રાજસ્થાન ભાજપમાંથી ચુન્નીલાલ ગરાસિયા અને મદન રાઠોડની પણ જીત થઈ છે. 

1999માં પહેલીવાર અમેઠીથી લોકસભા સાંસદ બન્યા હતા
સોનિયા ગાંધી 1999માં પહેલીવાર અમેઠીથી લોકસભા સાંસદ બન્યા હતા. અગાઉ રાજીવ ગાંધી આ બેઠક પરથી ચૂંટણી જીત્યા હતા. જોકે, 2004માં રાહુલ ગાંધી આ સીટ પરથી ચૂંટણી લડ્યા હતા અને સોનિયા ગાંધીએ રાયબરેલીથી ચૂંટણી લડવાનું નક્કી કર્યું હતું. સોનિયા ગાંધી અગાઉ દક્ષિણ ભારતમાંથી લોકસભા ચૂંટણી લડી ચૂક્યા છે. ગાંધી પરિવારમાંથી રાહુલ અને સોનિયા પહેલા ઈન્દિરાએ દક્ષિણ ભારતમાં ચૂંટણી લડી હતી. જો કે ગાંધી પરિવારનો કોઈ સભ્ય દક્ષિણ ભારતના કોઈપણ રાજ્યમાંથી રાજ્યસભામાં ગયા નથી.