VIDEO / આંતરજ્ઞાતિય લગ્નના વિવાદ બાદ ઘરે પરત ફરી સિંગર કિંજલ રબારી, વીડિયો કરી આપી સ્પષ્ટતા

ગુજરાતી લોકસંગીત જગતની જાણીતી ગાયિકા કિંજલ રબારી છેલ્લા થોડા દિવસોથી વ્યક્તિગત જીવનને લઈને ચર્ચામાં હતી. આંતરજ્ઞાતિય લગ્નના મુદ્દે થયેલા વિવાદ બાદ હવે કિંજલ રબારી પોતાના ઘરે પરત ફરી હોવાની માહિતી સામે આવી છે.

કિંજલ રબારીએ સોશિયલ મીડિયા પર એક વીડિયો શેર કરીને જણાવ્યું છે કે તે પોતાના ઘરે પરત ફરી ગઈ છે. વીડિયોમાં તેણે કહ્યું કે તેણે જે પગલું ભર્યું હતું તે હવે ભૂલીને પરિવાર સાથે રહેવાનો નિર્ણય કર્યો છે.

વિડિયોમાં કિંજલ રબારીએ કહ્યું કે, “હું ઘરે પરત ફરી ગઈ છું. મેં જે પગલું ભર્યું હતું તે હવે ભૂલીને હું મારા પરિવાર સાથે રહેવા માગું છું.” તેના આ નિવેદન બાદ સોશિયલ મીડિયા પર વીડિયો ઝડપથી વાયરલ થઈ રહ્યો છે.

આ ઘટનાને લઈને છેલ્લા કેટલાક દિવસોથી સોશિયલ મીડિયામાં વિવિધ પ્રકારની ચર્ચાઓ ચાલી રહી હતી. જોકે હવે કિંજલ રબારી દ્વારા આપવામાં આવેલી સ્પષ્ટતા બાદ મામલો થોડો શાંત થતો જોવા મળી રહ્યો છે.

આ પણ વાંચોઃ ભાભરના રૂની ગામે આજે યોજાઈ બેઠક, ચૌધરી સમાજની દીકરીને રબારી યુવક લઇ ગયાનો આક્ષેપ

કિંજલ રબારીના આ વીડિયોએ તેમના ચાહકોમાં પણ ભારે ચર્ચા જગાવી છે. ઘણા ચાહકોએ સોશિયલ મીડિયામાં તેમના નિર્ણયને લઈને અલગ-અલગ પ્રતિસાદ આપ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ