સ્પોર્ટ્સ / મેચ હારીને પણ આ ખેલાડીએ ઇતિહાસ રચી કાઢ્યો, T20 ક્રિકેટમાં પ્રથમવાર થયું આ કારનામું

• શ્રીલંકાએ ઝિમ્બાબ્વેને 3 વિકેટથી હરાવ્યું
• મેચ હારીને પણ આ ખેલાડીએ ઇતિહાસ રચ્યો
• T20 ક્રિકેટમાં પ્રથમવાર આ રેકોર્ડ સર્જાયો છે

શ્રીલંકન ક્રિકેટ ટીમે ઝિમ્બાબ્વેની ટીમને 3 વિકેટથી હરાવી દીધી. આ મેચમાં શ્રીલંકન ક્રિકેટર એંજોલો મૈથ્યૂજે શાનદાર પ્રદર્શન કર્યું. આ ક્રિકેટરે બોલિંગ અને બેટીંગમાં શાનદાર પ્રદર્શન કરીને ટીમને જીત અપાવી, પરંતુ ઝિમ્બાબ્વેના એક ક્રિકેટરે મેચ હારીને પણ ઈતિહાસ રચી દીધો છે. આ ખેલાડીએ T20 ઈન્ટરનેશનલ ક્રિકેટમાં ઈતિહાસ રચી દીધો છે. 

આ ક્રિકેટરે કર્યો કમાલ
શ્રીલંકન કેપ્ટન વાનિંદુ હસરંગાએ ટોસ જીત્યો અને પહેલા બોલિંગ કરવાનો નિર્ણય કર્યો. ઝિમ્બાબ્વેના ક્રિકેટર સિકંદર રજાએ શાનદાર ઈનિંગ રમી હતી. આ ક્રિકેટરે 42 બોલમાં 62 રન કર્યા, જેમાં 5 ચોગ્ગા અને 2 છગ્ગા શામેલ છે. આ ક્રિકેટરે T20 ઈન્ટરનેશનલ મેચમાં સતત પાંચમી અડધી સદી ફટકારનાર પહેલા ખેલાડી બની ગયા છે. અત્યાર સુધી આ રેકોર્ડ કોઈ બનાવી શક્યું નથી. 

વધુ વાંચો: T20 ક્રિકેટમાં અક્ષર પટેલે સર્જ્યો રેકોર્ડ, બન્યો 200 વિકેટ, 2000 રન કરનાર બીજો ભારતીય

સિકંદર રજાએ T20I ક્રિકેટમાં શ્રીલંકા સામેની મેચમાં 62 રન, આયર્લેન્ડ સામેની મેચમાં 65 રન, કેન્યા સામેની મેચમાં 82 રન, નાઈજિરિયા સામેની મેચમાં 65 રન અને રવાંડા સામેની મેચમાં 58 રન ફટકારીને શાનદાર ઈનિંગ રમી છે. T20I ઈન્ટરનેશનલ ક્રિકેટમાં ક્રિસ ગેલ, બ્રેંડન મૈકુલમ અને રીજા હેંડ્રિક્સે સતત ચાર અડધી સદી ફટકારી હતી. 

Sikandar Raza becomes the FIRST ever man to score 50+ in 5 consecutive T20I innings.

Extra fact: He also took at least 2 wickets in all these matches#SLvZIM pic.twitter.com/LnpxsT9MK5

— Kausthub Gudipati (@kaustats) January 14, 2024

શ્રીલંકા vs ઝિમ્બાબ્વે
ઝિમ્બાબ્વેએ પહેલા બેટીંગ કરીને 20 ઓવરમાં 143 રન કર્યા હતા. સિકંદર રજાએ સૌથી વધુ 62 રન અને સીન વિલિયમ્સે 14 રન કર્યા હતા. ક્રેગ ઈર્વિને 10 રન, તિનાશે કામુનુકામવેએ 26 રન કર્યા હતા. શ્રીલંકન ક્રિકેટર મહેશ તીક્ષ્ણા અને વાનિંદુ હસરંગાએ 2-2 વિકેટ લીધી હતી. એંજોલો મૈથ્યૂજે 46 રનની શાનદાર ઈનિંગ રમીને શ્રીલંકાને જીત અપાવી હતી. કુસલ મેંડિસ અને કુસલ પરેરાએ 17-17 રન કર્યા હતા.