મહારાષ્ટ્ર / 15 જ દિવસમાં પડી જશે શિંદે સરકાર: સંજય રાઉતના નિવેદનથી ખળભળાટ, કહ્યું ડેથ વોરંટ નીકળ્યું ગયું

Priyakant

Last Updated: 12:27 PM, 23 April 2023

FOLLOW ON

શેર કરો

Maharashtra Political Crisis: ઉદ્ધવ ઠાકરે આજે જલગાંવ જિલ્લાના પચોરામાં જાહેર સભા કરશે, આ પહેલા ઠાકરે જૂથના સાંસદ સંજય રાઉતે મોટું નિવેદન આપ્યું

મહારાષ્ટ્રની રાજનીતિને લઈ ફરી એકવાર મોટા સમાચાર
ઉદ્ધવ ઠાકરે જૂથના સાંસદ સંજય રાઉતે મોટું નિવેદન
15 દિવસમાં મહારાષ્ટ્રમાં શિંદે-ફડણવીસ સરકાર પડી જશે

મહારાષ્ટ્રની રાજનીતિને લઈ ફરી એકવાર મોટા સમાચાર સામે આવ્યા છે. વાત જાણે એમ છે કે, ઉદ્ધવ ઠાકરે આજે જલગાંવ જિલ્લાના પચોરામાં જાહેર સભા કરશે. આ દરમિયાન ઠાકરે જૂથના સાંસદ સંજય રાઉતે મોટું નિવેદન આપ્યું છે. સંજય રાઉતે દાવો કર્યો છે કે, આગામી 15 દિવસમાં મહારાષ્ટ્રમાં શિંદે-ફડણવીસ સરકાર પડી જશે. રાઉતે કહ્યું છે કે, આ સરકારનું 'ડેથ વોરંટ' જારી કરવામાં આવ્યું છે. રાઉતના આ દાવાએ ફરી એકવાર રાજકીય વર્તુળોમાં હલચલ મચાવી દીધી છે.

સંજય રાઉતે શું કહ્યું?
સંજય રાઉતે કહ્યું કે, દરેક વ્યક્તિ પોતપોતાનું ગણિત રજૂ કરે છે. પરંતુ અમે પરિણામની રાહ જોઈ રહ્યા છીએ. રાઉતે કહ્યું કે, મુખ્યમંત્રી અને તેમના 40 લોકોનું વર્તમાન શાસન આગામી 15 થી 20 દિવસમાં તૂટી જશે. મેં એકવાર કહ્યું હતું કે, ફેબ્રુઆરી સુધીમાં સરકાર પડી જશે. પરંતુ કોર્ટનો નિર્ણય મોડો આવી રહ્યો છે. પરંતુ આ સરકાર ટકવાની નથી, આ સરકારનું 'ડેથ વોરંટ' બહાર પાડવામાં આવ્યું છે. રાઉતે કહ્યું છે કે, હવે નક્કી થઈ ગયું છે કે કોણ ક્યારે સહી કરશે.