જાહેરાત / વાહન ચાલકો માટે મોટા સમાચાર, રજિસ્ટ્રેશન રિન્યુઅલ ફીમાં થયો આટલો મોટો વધારો, કેન્દ્રની જાહેરાત

• વાહનો ચાલકો માટે મોટા સમાચાર
• 15 વર્ષ જુની કાર અને ભારે વાહનો માટે રજિસ્ટ્રેશન રિન્યુઅલ ફી 8 ગણી વધારાઈ
• કેન્દ્ર સરકારે નોટિફિકેશન બહાર પાડીને જાહેરાત કરી 

સોમવારે કેન્દ્રીય માર્ગ, પરિવહન અને હાઈવે મંત્રાલયે એક નોટિફિકેશન બહાર પાડીને આ જાહેરાત કરી હતી. કેન્દ્રના નોટિફિકેશન અનુસાર, કારની ઉપરાંત 15 વર્ષ જુની ટ્રક અને બસોની નોંધણી માટે પણ માલિકોએ 8 ગણી વધારે ફી ચુકવવી પડશે.  જોકે દિલ્હી અને તેની આજુબાજુના વિસ્તારોમાં આ નિયમ લાગુ નહીં પડે કારણ કે આ વિસ્તારોમાં પહેલેથી ડીઝલથી ચાલતા 10 વર્ષ જુના અને પેટ્રોલથી ચાલતા 15 વર્ષ જુના વાહનો પર પ્રતિબંધ મૂકી દેવાયો છે. 

જુના બાઈકની નોંધણી માટે 300 ને બદલે 1000 રુપિયાની ફી

કેન્દ્રની જાહેરાત અનુસાર, એપ્રિલ 2022 થી જુના બાઈકની નોંધણી માટે 300 ને બદલે 1000 રુપિયાની ફી ચૂકવવી પડશે. 15 વર્ષ જુના ખાની વાહનોની નોંધણી કરવામાં વિલંબ થવાના કિસ્સામાં દર મહિને 300 રુપિયા અને કર્મશિયલ વાહનોના કિસ્સામાં 500 નો રુપિયાનો દંડ થશે. 

15 વર્ષ બાદ દર 5 વર્ષે રજિસ્ટ્ર્શેન રિન્યુઅલ કરાવી દેવું પડશે

ખાનગી વાહનોના કિસ્સામાં માલિકોએ 15 વર્ષ બાદ દર 5 વર્ષે રજિસ્ટ્ર્શેન રિન્યુઅલ કરાવી દેવું પડશે. એ જ રીતે કર્મશિયલ વાહન 8 વર્ષ જુનું થાય તે પછી દર વર્ષે ફિટનેશ સર્ટિફિકેટ રિન્યુઅલ ફરજિયાત લેવું પડશે. રજિસ્ટ્રેશન અને ફિટનેસ સર્ટિફિકેટ્સના નવીકરણમાં વધારો કરવાનો હેતુ લોકોને તેમના જૂના વાહનો રાખવાથી નિરાશ કરવાનો છે.

ખાનગી વાહનો માટે દર 5 વર્ષે રજિસ્ટ્રેશન રિન્યુ કરાવવું ફરજિયાત 
ખાનગી વાહનોના કિસ્સામાં, માલિકોએ 15 વર્ષ પછી દર 5 વર્ષે રજિસ્ટ્રેશન રિન્યુ કરાવવાની જરૂર છે. સૂચનામાં વાહનોના મેન્યુઅલ અને ઓટોમેટેડ ફિટનેસ ટેસ્ટ માટેની ફી પણ સ્પષ્ટ કરવામાં આવી છે. સરકારનું લક્ષ્ય ફિટનેસ ટેસ્ટની મેન્યુઅલ સિસ્ટમને દૂર કરવાનું છે, જે હેરાફેરી અથવા હેરાફેરી કરી શકે છે.

વાહન પ્રકાર        રજિસ્ટ્રેશન ફી    રિન્યુઅલ ફી
મોટરસાઈકલ         રુ. 300             રુ.1000
3 પૈડાવાળા વાહનો   રુ.1000         રુ. 3500 
ટેક્સી-કેબ          રુ. 1000             રુ. 7000
મીડિયમ વાહનો    રુ. 1300           રુ. 10,000
હેવી વાહનો        રુ. 1500               રુ. 12,500 
LMV                 રુ. 600                 રુ. 5000