એક્ટર શાહરૂખ ખાનના દિકરા આર્યન ખાનના બોલિવુડમાં ડેબ્યૂને લઇને સતત ચર્ચા ચાલતી રહે છે. પરંતુ શારરૂખ ખાન ઘણી વખત કહે છે કે, તેના દિકરાને એક્ટિંગ કરતા ફિલ્મમેકિંગમાં રસ છે.આર્યન હાલમાં યૂનિવર્સિટી ઑફ લોસ એન્જિલસમાં ફિલ્મમેકિંગ ભણી રહ્યો છે. તાજેતરમાં એક ચેટ શોમાં આ મુદ્દા પર શાહરૂખે વાત કરી.
શાહરૂખ ખાને કહ્યુ કે, ''મારો દિકરો ફિલ્મોમાં કામ કરવા નથી ઇચ્છતો અને મને નથી લાગી રહ્યુ કે, તે એક્ટિંગ કરી શકે છે પરંતુ ભારતમાં જો તમે કોઇ સ્ટારના દિકરા છે તો તમે ફિલ્મમાં સ્ટાર બની શકો છો. તે લાંબો છે, સારો દેખાય છે, તે બધી જ બાબતોમાં ઠીક છે, પરંતુ મને લાગે છે કે તેની પાસે તે એક્સ ફેક્ટર નથી જે એક્ટિંગ માટે જરૂરી છે અને મને લાગે છે કે તે સારો લેખક છે.''
શાહરૂખ ખાને એવું પણ કહ્યુ કે, આર્યને તેને કહ્યુ હતુ, ''તે એક્ટિંગ કરવા માંગતો નથી કારણ કે તેની તુલના હંમેશા તેના પિતાની સાથે થશે. જો તે સારું કરશે તો લોકો કહેશે કે, અરે આ તો શાહરૂખનો દિકરો છે, એક્ટિંગ તો તેને વારસામાં મળી છે. જો તે સારું નહી કરે તે લોકો કહેશે જુઓ તેના પિતાએ શું કર્યુ અને તે શું કરી રહ્યો છે.'' શાહરૂખે આર્યનની આ વાતને ઇમાનદારી અને પ્રેક્ટિલ ગણાવી હતી.
વર્કફ્રન્ટની વાત કરવામાં આવે તો, શાહરૂખ ઝીરો પછી અત્યાર સુધી કોઇ પ્રોજેક્ટમાં આવ્યો નથી. જોકે માનવામાં આવી રહ્યુ છે કે, ''શાહરૂખ પોતાના બર્થ ડેના દિવસે નવી ફિલ્મની જાહેરાત કરી શકે છે.''