જામમાં ફસાયા / Video: SG હાઈવે, મુંબઈ-અમદાવાદના રસ્તે ભારે ટ્રાફિક જામ સર્જાતા વાહનચાલકો કલાકો સુધી અટવાયા

ગાંધીનગર-સરખેજ હાઇવે હોય કે પછી મુંબઇ-અમદાવાદ હાઇવે, સહેજ કંઇક થાય એટલે કલાકો સુધી વાહન ચાલક જામમાં ફસાઇ જાય છે.

આજે ગાંધીનગરથી અમદાવાદ જતા એસજી હાઇવે પર ભારે ટ્રાફિક જામ સર્જાયો હતો. .. નર્મદા કેનાલ પર ડમ્પર બંધ થતા ચક્કાજામ થયો. પરિસ્થિતિ એ થઇ કે નર્મદા કેનાલ થી અડાલજ ચાર રસ્તા સુધી ટ્રાફિક જામ જોવા મળ્યો.

આ તરફ અમદાવાદ-મુંબઇ હાઇ વે પર સતત ત્રીજીદિવસે ટ્રાફિક જામ જોવા મળ્યો. મુંબઇ-અમદાવાદ નેશનલ હાઇવે પર વડોદરા નજીક 15 કિલોમીટર લાંબા ટ્રાફિક જામ સર્જાયો હતો. વાહન ચાલકો અંદાજે 5 કલાક સુધી ટ્રાફિક જામમાં ફસાયેલા રહ્યા હતા. જાબુઆબ્રિજથી લઇને પુનિયાદ ગામ સુધી ટ્રાફિક જામ સર્જાયો હતો.

આ પણ વાંચોઃ ગુજરાતમાં દારૂબંધી છે, કોઇ બુટલેગર ભુલથી લાવ્યો 1 કરોડનો દારૂ ઝડપાયો

ગઇકાલે પણ મુંબઇ-અમદાવાદ નેશનલ હાઇવે પર 10 કિલોમીટર લાંબો ટ્રાફિક જામ સર્જાયો હતો , અને આજે ફરીથી એ જ સ્થિતિ છે.. આ સ્થિતિને કારણે નાના બાળકો ભૂખ્યા-તરસ્યા કલાકો સુધી જામમાં ફસાયેલા રહે છે.

ટ્રાફિકમાં ફસાયેલા લોકોએ આક્રોશ વ્યક્ત કરતા કહ્યું હતું કે સરકાર ઉંચો ટોલ ટેક્સ વસુલે છે, પરંતુ વાહન ચાલકોને એ પ્રમાણે સુવિધા નથી આપતી જેને કારણે વાહનચાલકોને હેરાન-પરેશાન થવું પડે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ