ચિંતાજનક / દક્ષિણ ગુજરાતમાં 15 વર્ષ પછી સર્જાયું ગંભીર વીજ સંકટ, ઉદ્યોગો પર મોટી અસર થવાની ભીતિ

દક્ષિણ ગુજરાતમાં 15 વર્ષ પછી સર્જાયું ગંભીર વીજ સંકટ સર્જાયુ છે અને તેની ઉદ્યોગો પર મોટી અસર થવાની સંભાવના છે. આને કારણે અઠવાડિયામાં 1 દિવસ સાંજે 4થી રાત્રે 12 વાગ્યા સુધી વીજકાપનો નિર્ણય લેવાયો છે. દક્ષિણ ગુજરાત વીજ કંપની દ્વારા ખાસ બેઠક યોજી સૂચનાઓ અપાઈ છે. પીક અવર્સમાં વીજળી ગુલ થવાથી ઉત્પાદન સંપૂર્ણપણે ઠપ થઈ જવાનો પણ ડર છે. સરકારે 31 કંપનીઓને 10 દિવસમાં પ્લાન્ટ શરૂ કરવા અલ્ટિમેટમ આપ્યું છે.

કોલસાની અછત સર્જાઈ

અલ નીનોની વૈશ્વિક અસર અને મિડલ ઈસ્ટમાં ચાલી રહેલા યુદ્ધને કારણે આંતરરાષ્ટ્રીય સ્તરે કોલસાની અછત સર્જાઈ છે. વીજળીની માંગમાં અણધાર્યો ઉછાળો આવતાં ઉપલબ્ધ વીજ ઉત્પાદન ક્ષમતા સામે માંગનું સંતુલન ખોરવાયું છે.

વધુ વાંચો : વાયએમસીએ–કર્ણાવતી રોડ પર ટ્રાફિકની બોટલનેકથી વાહનચાલકો પરેશાન

25 લાખ શ્રમિકોની રોજીરોટી જોખમમાં

આ ગંભીર વીજ સંકટને પગલે 25 લાખ શ્રમિકોની રોજીરોટી જોખમમાં આવી છે. કારખાનાઓમાં ઉત્પાદન બંધ થવાને કારણે શ્રમિકોની રોજીરોટી ખોરવાઈ જશે.જેને કારણે સમગ્ર બજારમાં લિક્વિડિટીની ગંભીર કટોકટી ઊભી થશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ