પર્સનલ ફાઇનાન્સ / સિનિયર સીટીઝનને આ સેવિંગ સ્કીમમાં મળે છે સૌથી વધુ રિટર્ન! કઈ રીતે ખુલશે ખાતું? કેટલું મળશે વ્યાજ?

• આપણા દેશમાં રોકાણ કરવા માટે ઘણી યોજનાઓ છે. 
• આ સરકારી બચત યોજના સિનિયર સીટીઝનને શ્રેષ્ઠ વળતર આપે છે.
• ચાલો જાણીએ આ સ્કીમ વિશે 5 મોટી વાતો.

આપણા દેશમાં રોકાણ કરવા માટે ઘણી યોજનાઓ છે પરંતુ તેના વિશે બહુ ઓછા લોકો જાણે છે. આ સરકારી બચત યોજના 60 વર્ષથી વધુ ઉંમરના લોકો માટે શ્રેષ્ઠ વળતર આપે છે. સિનિયર સિટીઝન સેવિંગ્સ સ્કીમ (SCSS)ની જાહેરાત બજેટ 2023માં કરવામાં આવી હતી. આ યોજના હવે 30 લાખ રૂપિયા સુધીની રકમ ડિપોઝિટ કરાવવાની મંજૂરી આપે છે.  

ખાસ વાત એ છે કે આ યોજનામાં, જો ખાતાધારકનું મૃત્યુ થાય છે, તો જીવનસાથી અથવા તો જેને નોમિની બનાવવામાં આવ્યા છે, તે પોસ્ટ ઓફિસ અથવા બેંક શાખાને જાણ કરીને ખાતાનો ઉપયોગ ચાલુ રાખી શકે છે જ્યાં ખાતું ખોલવામાં આવ્યું છે. સિનિયર સીટીઝન સેવિંગ સ્કીમ (SCSS) સુરક્ષા અને કર બચત જેવા લાભ પણ આપે છે. ચાલો જાણીએ આ સ્કીમ વિશે 5 મોટી વાતો.

એકસાથે રોકાણ:
ભારતમાં રહેતા વરિષ્ઠ નાગરિકો આ યોજનામાં વ્યક્તિગત રીતે અથવા સંયુક્ત રીતે એકસાથે રોકાણ કરી શકે છે અને કર લાભો સાથે નિયમિત આવક મેળવી શકે છે.

પૈસા કેવી રીતે જમા કરાવવા: 
જો રકમ 1 લાખ રૂપિયાથી ઓછી હોય, તો વ્યક્તિ રોકડમાં પૈસા જમા કરાવી શકે છે. જ્યારે ડિપોઝિટની રકમ 1 લાખ રૂપિયાથી વધુ હોય, ત્યારે વ્યક્તિએ ચેક દ્વારા ચુકવણી કરવી પડશે.

વ્યાજ દર: 
સિનિયર સીટીઝન સેવિંગ સ્કીમ (SCSS) પર લાગુ વર્તમાન વ્યાજ દર વાર્ષિક 8.2 ટકા છે. આ વ્યાજ દર 1 જાન્યુઆરી, 2024 થી 31 માર્ચ, 2024 સુધી લાગુ છે. વ્યાજ ત્રિમાસિક ધોરણે ચૂકવવામાં આવશે. 

મેચ્યોરિટી પીરિયડ : 
SCSS ની પાકતી મુદત 5 વર્ષ છે. આ યોજના હેઠળ, પાકતી મુદત વધુ 3 વર્ષ માટે લંબાવી શકાય છે. મેચ્યોરિટી પીરિયડ વધારવા માટે ચોથા વર્ષે અરજી કરવાની રહેશે. SCSS ખાતું ખોલતી વખતે અથવા ખાતું ખોલ્યા પછી વ્યક્તિઓ નોમિનીની નિમણૂક કરી શકે છે.

વધુ વાંચો: સરકારની આ યોજના મહિલાઓને બે જ વર્ષમાં બનાવી દેશે સધ્ધર; મળે છે વધુ વ્યાજ, ચેક કરો નિયમ

ખાતું ક્યાં ખોલવુંઃ 
આ પોસ્ટ ઓફિસ સ્કીમ છે. જે લોકો આ યોજનાનો લાભ લેવા માંગે છે તેઓ પોસ્ટ ઓફિસ અથવા બેંકમાં ખાતું ખોલાવી શકે છે.