ચર્ચાનું ચકડોળ / ગુજરાતમાં CBI એન્ટ્રીથી સૌરાષ્ટ્રમાં ફફડાટ, મંત્રીના અંગત વ્યક્તિની પૂછપરછ અંગે અટકળો

• રાજ્યમાં ભ્રષ્ટાચાર મામલે CBIના દરોડા 
• ગુજરાતમાં CBIની એન્ટ્રીથી સૌરાષ્ટ્રમાં ફફડાટ
• મંત્રીના અંગતની વ્યક્તિની CBIએ પૂછપરછ કર્યા હોવાની અટકળો

રાજ્યમાં ભ્રષ્ટાચાર મામલે CBI કડક કાર્યવાહી કરી રહી છે. ઠેર ઠેર દરોડા કરી તપાસ આદરી રહી છે. ગુજરાતમાં CBIની એન્ટ્રીથી સૌરાષ્ટ્રમાં ફફડાટ વ્યાપી ગયો છે. મંત્રીના અંગતની વ્યક્તિની CBIએ પૂછપરછ કર્યા હોવાની અટકળો વહેતી થતાં રાજકારણમાં ગરમાવો આવ્યો છે. 

મારી CBIએ પૂછપરછ કે અટકાયત કરી નથી:  આરોપ બાદ પ્રેમલ મોદી
મહત્વનું છે કે  બીજી તરફ આજે સવારે જ વડોદરાની 2 બેંકમાં કૌભાંડ આચર્યાનો આક્ષેપ મામલે પૂર્વ કેબિનેટ મંત્રી રાજેન્દ્ર ત્રિવેદીના અંગત વ્યક્તિ પ્રેમલ મોદીની CBIએ અટકાયત કરી હોવાની ચર્ચાએ જોર પકડયું હતું. જે બાદ પ્રેમલ મોદીએ સ્પષ્ટતા કરી હતી કે મારી CBIએ પૂછપરછ કે અટકાયત કરી નથી. મારા વિરૂદ્ધ ખોટી અફવાઓ ફેલાવવામાં આવી છે. રાજેન્દ્ર ત્રિવેદીને બદનામ કરવાનું કોઈનું ષડયંત્ર રચવામાં આવ્યું છે. 

'આ મામલે હું કાયદાકીય કાર્યવાહી કરીશ'
વધુમાં તેઓએ આકરા શબ્દોમાં કહ્યું હતું કે આ મામલે હું કાયદાકીય કાર્યવાહી કરીશ. હું આજે પણ રાજેન્દ્ર ત્રિવેદીના કાર્યલયમાં પર જ છું. આગામી દિવસોમાં CBI કાર્યવાહીની લટકતી તલવાર તેઓ પર છે ત્યારે મંત્રીના પડછાયાની જેમ સાથે રહેતા વ્યકિત પર આરોપ લાગતાં ગુજરાતની રાજનીતિ ચર્ચાના ચકડોળે ચડી છે.