Video / રાવત થઈ ગયા અમર: એક બાજુ દીકરીઓએ આપી મુખાગ્નિ, બીજી બાજુ 17 તોપોની સલામી

• એક જ ચિતામાં પંચમહાભૂતમાં વિલિન થયા રાવત અને તેમના પત્ની 
• દીકરીઓએ આપી મુખાગ્નિ
• સેનાએ આપી 17 તોપોની સલામી 

દીકરીઓએ કરી અંતિમ ક્રિયા 
દેશ આજે પોતાના અમર બલિદાનીઓ માટે રડી રહ્યો છે, ભારતના માના વીર સપૂત એવા CDS જનરલ બિપિન રાવત અને તેમના પત્ની મધુલિકા રાવતનાં અંતિમ સંસ્કાર કરવામાં આવ્યા. અંતિમ સલામી આપવા માટે ત્રણેય સેનાના પ્રમુખ અને રક્ષામંત્રી રાજનાથ સિંઘ પણ પહોંચ્યા હતા. જનરલ રાવત અને તેમના પત્નીનાં અંતિમ સંસ્કાર તેમના બંને દીકરીઓએ કર્યા હતા. અંતિમ ક્રિયા કરતી દીકરીઓને જોઈને હાજર સૌ કોઈની આંખો ભીંજાઇ ગઈ હતી. 

17 તોપોની અપાઈ સલામી 
બીજી બાજુ દેશના સર્વોચ્ચ પદ પર રહેલા જવાનને અલવિદા કહેવા માટે આર્મીએ 17 તોપોની સલામી આપી. રાવતને અગ્નિદાહ આપતાની સાથે 17 તોપોની સલામી આપવામાં આવી હતી. જેનો વીડિયો પણ વાયરલ થઈ રહ્યો છે અને લોકો સોશ્યલ મીડિયાનાં માધ્યમથી પણ પોતાના રક્ષક, આ દેશના શૂરવીરને સલામ કરી રહ્યા છે. 

• જનરલ રાવતને 17 તોપોની સલામી આપવામાં આવી 
• અંતિમ સંસ્કાર સમયે ત્રણેય સેનાઓના જવાનોએ ટ્રમ્પેટર્સ વગાડ્યા 
• અંતિમ સંસ્કારમાં 800 જવાન હાજર રહ્યા 
• સેનાના 99 જવાન અંતિમ યાત્રામાં એસ્કોર્ટ કરી 
• આર્મી બેન્ડના 33 જવાનોએ અંતિમ વિદાય આપી 
• લેફ્ટનન્ટ જનરલ લેવલના 6 અધિકારીઓ તિરંગો લઈને ચાલ્યા 
• અંતિમ દર્શને 12 બ્રિગેડિયર સ્તરના અધિકારીઓ તૈનાત રહ્યા 

લોકો તીરંગા લઈને રસ્તા પર દોડ્યા 
જ્યારે CDS રાવતની અંતિમ યાત્રા શરૂ થઈ ત્યારે દિલ્હીમાં હજારોની સંખ્યામાં લોકો રસ્તા પર ઉતરી આવ્યા હતા. આખી અંતિમ યાત્રામાં હજારો યુવાનો પોતાના હાથોમાં તીરંગાઓ લઈને દોડતા રહ્યા.  CDS બિપિન રાવતની અંતિમયાત્રામાં લોકોના ટોળાં ઉમટી પડ્યા હતા. લોકો ત્રિરંગા સાથે દોડતા નજરે ચડયા હતા. આ ઉપરાંત કેટલાક લોકોએ અંતિમયાત્રામાં નારા લગાવ્યા, 'જબ તક સૂરજ ચાંદ રહેગા બિપિનજીકા નામ રહેગા' આખા દેશના લોકોએ દેશના વિરોને અંતિમ અંજલિ આપી હતી. આજે આખો આજે ભાવુક થઈ ગયો હતો.