કોરોના વાયરસને કારણે સલમાન અને તેની ફેમિલી અને ફ્રેન્ડ્સ તેના પનવેલ સ્થિત ફાર્મહાઉસ પર રહી રહ્યાં છે. ત્યારે નિસર્ગ વાવાઝોડાના કારણે મહારાષ્ટ્રના ઘણાં વિસ્તારોને નુકસાન પહોંચ્યું છે. આ વાવાઝોડાને કારણે સલમાન ખાનના પનવેલવાળા ફાર્મ હાઉસ પર પણ અસર થઈ છે. સલમાન ખાનની કથિત ગર્લફ્રેન્ડ યૂલિયા વંતૂરે નિસર્ગ વાવાઝોડાને કારણે ફાર્મહાઉસને થયેલાં નુકસાનની તસવીરો અને વીડિયો શરે કર્યો છે. જે સોશિયલ મીડિયા પર વાયરલ થઈ રહ્યો છે.
નિસર્ગ વાવાઝોડાને કારણે સલમાનના ફાર્મહાઉસને નુકસાન
વાવાઝોડાને કારણે ફાર્મહાઉસની થઈ આવી હાલત
તસવીરો અને વીડિયો સોશિયલ મીડિયા પર થઈ રહ્યા છે વાયરલ
યૂલિયાએ તેના ઈન્સ્ટાગ્રામ એકાઉન્ટની સ્ટોરી પર સલમાન ખાનના ફાર્મહાઉસના વીડિયો અને ફોટોઝ શેર કર્યા છે. જેમાં નિસર્ગ વાવાઝોડા પહેલાં અને પછીનો નજારો જોવા મળી રહ્યો છે. વીડિયોમાં વાવાઝોડું, વરસાદ અને વૃક્ષો ઉખડી ગયેલાં જોવા મળી રહ્યા છે. એક તસવીરમાં યૂલિયાએ કેપ્શનમાં લખ્યું-પણ ફરી જીવન આગળ વધે છે, સૂરજ પાછો આવી ગયો નવી આશા સાથે.
તમને જણાવી દઈએ કે, યૂલિયા અવારનવા ફાર્મહાઉસની તસવીરો અને વીડિયો શેર કરતી રહે છે. અહીં સલમાન પોતાના પરિવાર અને ઈન્ડસ્ટ્રીના કેટલાક ફ્રેન્ડ્સ સાથે રહી રહ્યો છે. આ દરમિયાન સલમાન ખાનએ 3 સોન્ગ્સ પણ રિલીઝ કર્યા છે.
એટલું જ નહીં સલમાન ખાને કોરોના દરમિયાન તેના ફાર્મહાઉસની આસપાસના લોકોને પણ રાશન દાન કર્યું અને ગામડાના લોકોની મદદ કરી રહ્યો છે. હાલમાં જ તેનો જેકલીન સાથે સાઈકલ ચલાવતા એક વીડિયો ખૂબ વાયરલ થયો હતો.