તારાજી / VIDEO : સાબરમતી નદીના પૂરથી માતરમાં તારાજી, ખેડા ધોળકા રોડ બંધ કરાયો

ખેડા જિલ્લાના રસીકપુરા ગામમાં સાબરમતી નદીમાં આવેલે ભારે પાણીના પ્રવાહને પગલે પૂર જેવી ગંભીર સ્થિતિ સર્જાઈ છે. નદીના પાણી છાતી સુધી પહોંચી જતા ગામમાં જીવલેણ હાલાત ઉભા થયા છે. ગામના ઘણા વિસ્તારોમાં પાણી ઘૂસી જતાં લોકો ઘરો છોડી સુરક્ષિત સ્થળે જવા મજબૂર બન્યા છે.

રસીકપુરા ગામમાં ભારે તારાજી

પૂરના કારણે સાબરમતી નદીના કાંઠે વસેલા રસીકપુરા ગામમાં ભારે તારાજી થઈ છે. ખેતરો, રહેણાંક મકાનો અને માર્ગોમાં પાણી ભરાઈ ગયા છે, જેને કારણે લોકજીવન અસ્તવ્યસ્ત થયું છે.

વાહનચાલકોને ભારે મુશ્કેલી

ખેડા શહેરને સૌરાષ્ટ્ર સાથે જોડતો મુખ્ય સ્ટેટ હાઇવે પણ વરસાદી પાણી ફરી વળતા બંધ કરવો પડ્યો છે. આને લીધે પ્રવાસીઓને અને વાહનચાલકોને ભારે મુશ્કેલીનો સામનો કરવો પડી રહ્યો છે. ટ્રાફિકને વિકલ્પિક માર્ગો તરફ વાળવામાં આવી રહ્યો છે.

ગામોમાં એલર્ટ જાહેર

સ્થાનિક પ્રશાસન, NDRF અને ફાયર બ્રિગેડની ટીમો બચાવ કાર્યમાં લાગી ગઈ છે. લોકોને સલામત સ્થળે ખસેડવાનું કામગીરી ચાલુ છે. રસીકપુરા અને આસપાસના ગામોમાં એલર્ટ જાહેર કરવામાં આવ્યું છે.

આ પણ વાચોઃ માઉન્ટ આબુમાં ભયાનક વરસાદ, પહાડ પરનો રસ્તાનું ધોવાણ, વાહનોની અવરજવર બંધ

પૂર આવતા માતર તાલુકામાં તારાજી સર્જી

ખેડા જિલ્લાની સાબરમતી નદીમાં પૂર આવતા માતર તાલુકામાં તારાજી સર્જી હતી. સાબરમતી નદીનું પાણી પાલ્લા ગામમાં ફરી વળ્યું હતું. પાલ્લા ગામમાં સાબરમતી અને વાત્રક નદીના પાણી ઘૂસ્યા હતા. પાલ્લા અને નધાનપુર વિસ્તારમાં પાણી ભરાતા લોકોના હાલ બેહાલ થયા હતા.ખેતરોમાં પાણી ભરાઈ જતા ઉભા પાકને નુકસાન થતા ખેડૂતોમાં વ્યાપી ચિંતા વ્યાપી જવા પામી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ