અફેર / એકબીજાને ડેટ કરી રહ્યાં છે રિયા અને સુશાંત, પેરિસમાં એન્જોય કરી રહ્યા છે સિક્રેટ હોલિડે

• સુશાંતે શેર કર્યો ડિઝનીલેન્ડ પેરિસનો વીડિયો
• રિયાએ પણ પેરિસની એક તસવીર શેર કરી
• બંને ઘણીવાર સાથે સમય પસાર કરતાં જોવા મળ્યાં છે

જે વીડિયો સુશાંતે શેર કર્યો હતો તે ડિઝનીલેન્ડ પેરિસનો છે, જેમાં સુશાંત ખૂબ જ ખુશ દેખાય છે અને વરસાદમાં ભીંજાતો નજરે પડે છે. આ સાથે તેણે લખ્યું છે કે જ્યાં મને મારાં સપનાં લઇ જઇ રહ્યાં છે ત્યાં હું જઇ રહ્યો છું. હું મારાં સપનાંને જીવી રહ્યો છું. આ સાથે રિયાએ પણ પોતાના ઇન્સ્ટા એકાઉન્ટ પર એક તસવીર શેર કરી છે. તે તસવીર પેરિસની છે. હવે એક સમયે બંને એકસાથે પેરિસની તસવીર શેર કરી રહ્યાં છે તો આ કોઇ ઇત્તફાક ન હોય. બની શકે કે આ બંને એક વાર ફરી એકબીજા સાથે સમય વીતાવવા હોલિડે પર ગયાં હોય. આ પહેલાં પણ બંને ઘણી વાર એકબીજા સાથે સમય પસાર કરતાં જોવા મળ્યાં છે. સુશાંતને આ અંગે પૂછવામાં આવ્યું તો તેણે કંઇ પણ કહેવાનો ઇનકાર કર્યો હતો. તેનું માનવું છે કે હજુ કંઇ પણ કહેવું ઉતાવળ હશે, કેમ કે આ બધું નવું છે.