ક્રિકેટ / રોહિતે ધોનીને રાખી દીધો પાછળ, સદી ફટકારતા મળ્યું ખાસ ઈનામ, ચાહકોમાં ખુશીની લહેર

ઓસ્ટ્રેલિયા સામે શાનદાર જીતથી ભારતનું વ્હાઇટ વોશ થતા બચી ગયું. જેમાં ટીમ ઈન્ડિયાના બે દિગ્ગ્જ પ્લેયર્સ રોહિત શર્મા અને વિરાટ કોહલીની શાનદાર ઇનિંગ જોવા મળી હતી. રોહિત શર્માએ તેમાં અણનમ 121 રન માર્યા હતા. આ 3 મેચની સિરીઝમાં રોહિતે એક સદી અને એક અડધી સદી સાથે તેને 101ની એવરેજથી 202 રન બનાવ્યા હતા. રોહિતના શાનદાર પરફોર્મન્સના કારણે તેને પ્લેયર ઓફ ધ સિરીઝનો એવોર્ડ મળ્યો હતો. જેથી તેને એમએસ ધોનીના રેકોર્ડને પણ પાછળ છોડી દીધો હતો.

• ધોનીનો તોડ્યો રેકોર્ડ
  

ઓસ્ટ્રેલિયા સામેની ODI સિરીઝમાં રોહિત શર્માના પ્રદર્શન પર બધાનું ફોકસ હતું. રોહિત એના માટે મુંબઈમાં જોરદાર પ્રેક્ટિસ પણ કરી હતી. આ સિરીઝની પહેલી મેચમાં તે 8 જ રન બનાવી શક્યો હતો.પરંતુ બીજી અને ત્રીજી મેચમાં તે જુના ફોર્મમાં જોવા મળ્યો હતો. ત્રણ મેચમાં 202 રન બનાવવા પર તેને મેન ઓફ ધ સિરીઝનો એવોર્ડ મળ્યો ત્યારે તે આ એવોર્ડ જીતનાર સૌથી મોટી ઉંમરનો ભારતીય પ્લેયર બન્યો છે. રોહિત પહેલા આ રેકોર્ડ એમએસ ધોનીના નામે હતો, જેને 37 વર્ષ અને 194 દિવસની ઉંમરે પ્લેયર ઓફ ધ સિરીઝનો એવોર્ડ જીત્યો હતો.

• ભારત તરફથી પ્લેયર ઓફ ધ સિરીઝનો એવોર્ડ જીતવાની ઉંમર
  

1. રોહિત શર્મા - 38 વર્ષ 178 દિવસ
2. એમએસ ધોની - 37 વર્ષ 195 દિવસ
3. સુનીલ ગાવસ્કર - 37 વર્ષ 191 દિવસ

વધુ વાંચો : સિડની વનડેમાં વિરાટ કોહલીએ કર્યો કમાલ, તૂટી ગયો સચિન તેંડુલકરનો વર્લ્ડ રેકોર્ડ

• સુનિલ ગાવસ્કરને છોડ્યા પાછળ
  સિડની વનડેમા રોહિત શર્માને 121 રનની શાનદાર ઇનિંગ માટે પ્લેયર ઓફ ધ મેચનો એવોર્ડ પણ મળ્યો હતો. આ સાથે રોહિત હવે આ એવોર્ડ જીતનાર સૌથી મોટી ઉંમરનો ભારતીય પ્લેયર બની ગયો છે. રોહિત પહેલા સુનિલ ગાવસ્કર આ લિસ્ટમાં ટોપ પર હતા, જેમાં તેમને 38 વર્ષ અને 113 દિવસની ઉંમરે પ્લેયર ઓફ ધ મેચનો એવોર્ડ મળ્યો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ