બૉલીવુડની સદાબહાર અભિનેત્રી રેખા આજે પણ યુવા પેઢીમાં એટલી જ લોકપ્રિય છે. રેખાને લગતી કેટલીય પર્સનલ અને પ્રોફેશનલ વાતો અવારનાર બહાર આવતી રહે છે. રેખા ખરા અર્થમાં બૉલીવુડની એક એવી અભિનેત્રી છે કે જેના વિષે તમે જેટલું જાણો એટલું ઓછું છે.
રેખા હાલમાં બૉલીવુડની ફિલ્મોથી તો દૂર છે પરંતુ અવારનવાર બૉલીવુડની ઈવેન્ટ્સ એવોર્ડ ફંક્શન્સમાં હાજરી આપે છે. આજે આપણે તેમની પર્સનલ લાઈફની ઇન્ટરેસ્ટિંગ વાત જાણીએ. આ વાત છે રેખાના પરિવાર અને તેના ભાઈબહેનોને લગતી.
સૌ જાણે છે કે રેખાએ લગ્ન કર્યા નથી અને આજે તેઓ તેમની જિંદગી એકલા જ ગાળે છે પરંતુ તેમણે તેમની જિંદગી એક હર્યાભર્યા પરિવાર સાથે વિતાવી છે. રેખા એક મોટા પરિવારના સભ્ય છે અને તેમની 6 બહેનો છે.
એક ન્યુઝ એજન્સીના અહેવાલ પ્રમાણે જેમ રેખાએ પોતાની ફિલ્મોની કરિયરમાં જબરદસ્ત સફળતા મેળવી છે તેમ તેમની બહેનો પણ પોતપોતાની જિંદગીમાં સફળ છે. સૌ જાણે છે કે રેખાએ ઘણી નાની ઉંમરે પોતાની કારકિર્દીની શરૂઆત કરી હતી અને તેમની બહેનોએ તેમને ખુબ સપોર્ટ કર્યો હતો અને આજની તારીખે તેમની બધી બહેનો તેમના ક્ષેત્રોમાં ખુબ સફળ છે.
રેખાના પિતા જેમિની ગણેશન તમિલ ફિલ્મ ઇન્ડસ્ટ્રીના પ્રખ્યાત હસ્તી હતા. તેમણે ત્રણ લગ્નો કર્યા હતા. પહેલી પત્ની વડે તેમને 4 પુત્રીઓ જન્મી હતી. બીજી પત્ની વડે તેમને 2 પુત્રીઓ જન્મી હતી ; રેખા અને રાધા. ત્રીજી પત્ની વડે તેમને 2 બાળકો જન્મ્યાં હતા ; વિજયા ચામુંડેશ્વરી અને સતીશ. રેખાના સંબંધો ભલે તેના પિતા સાથે સારા ન હતા પરંતુ તેમના ભાઈ બહેન સાથે રેખા ઘનિષ્ટ સંબંધ ધરાવતા હતા. રેખાની 6 બહેનોના નામ : જયા શ્રીધર, નારાયણી ગણેશન, વિજયા ચામુંડેશ્વરી, રેવતી સ્વામીનાથન, રાધા ઉસ્માન સૈયદ અને કમલા સેલ્વરાજ છે.
બહેનોના પ્રોફેશનની વાત કરીએ તો તેમના સૌથી મોટા બહેન રેવતી સ્વામીનાથન USAમાં ડોકટર છે. રેખાના બીજા બેન કમલા સેલ્વરાજ ભારતના જાણીતા તબીબ છે જેમની ચેન્નાઇમાં હોસ્પિટલ છે. રેખાના ત્રીજા બહેન નારાયણી ગણેશ છે જે જાણીતા ન્યુઝ પેપરમાં પ્રખ્યાત પત્રકાર છે. રેખાના સગા બહેન રાધા પણ એક્ટ્રેસ છે જેમણે લગ્ન પછી ફિલ્મોમાં કામ કરવાનું બંધ કરી દીધું હતું. આમ રેખાના લગભગ તમામ બહેનો સફળ છે.