NULL / RBIએ વ્યાજ દરોમાં કર્યો વધારો વધી શકે છે તમારી EMI

નવી દિલ્હી: ભારતીય રિઝર્વ બેંકે વ્યાજદરોમાં 0.25 ટકાનો વધારો કરી દીધો છે. આ વધારાની સાથે રેપો રેટ 6.50 ટકા પહોંચી ગયો છે. વિશેષજ્ઞોએ એવું અનુમાન લગાવ્યું છે આ વખતે આરબીઆઇ વ્યાજદૉરોમાં વધારો કરશે. 

વ્યાજ દરોમાં થયેલા આ વધારાની સીધી અસર તમારા ખિસ્સા પર પડશે. રેપો રેટ વધવાથી બેંકોમાંથી તમારા માટે હોમ લોન અને ઓટો લોન સહિત અન્ય લોન લેવી મોંઘી સાબિત થશે. એના કારણે હવે તમારા ખિસ્સા પર વધારે EMIનો ભાર પડશે. 

આરબીઆઇએ મૌદ્રિક નીતિ સમિતિએ નાણાકીય વર્ષ 2019ની બીજી ત્રિમાસીકમાં મોંઘવારીના 4.6 ટકા રહેવાનું અનુમાન લગાવ્યું છે. તો બીજી બાજુ નાણાંકીય વર્ષ 2020ની પહેલી ત્રિમાસીકમાં એના 5 ટકા પહોંચવાનું અનુમાન લગાવવામાં આવ્યું છે.

ભારતીય રિઝર્વ બેંકે કહ્યું કે કાચા તેલની કિંમતોમાં છેલ્લા થોડાક દિવસોથી ઘટાડો આવ્યો છે. પરંતુ હજુ પમ એની કિંમતો ખૂબ વધારે છે. 

મૌદ્રિક નીતિ સમિતિએ કહ્યું કે ઘરેલૂ સ્તર પર મોંઘવારીને લઇને અનિશ્વિતતાનો સમય છે. એટલા માટે આવનારા મહિનામાં એની પર નજીકની નજર રાખવી જરૂરી છે. 

સમિતિએ ચોમાસાને લઇઉને કહ્યું કે હાલમાં ચોમાસું દેશભરમાં સામાન્ય રહ્યું છે. પરંતુ આવનારા દિવસોમાં એમના ક્ષેત્રીય વિતરણ પર નજર રાખવાની જરૂર છે. પાક મામલે વધારે ધ્યાન રાખવું પડશે. 

નાણાકીય વર્ષ 2018-19 માટે GDP ગ્રોથને 7.4 ટકા પર જ રાખવામાં આવ્યો છે. એમપીસી પ્રમાણે પહેલા છ મહિનામાં 7.5 થી 7.6 ની વચ્ચે રહેવાનું અનુમાન છે. તો બીજી બાજુ છ માસમાં આ 7.3 થી 7.4 ટકાની વચ્ચે રહી શકે છે. 

જણાવી દઇએ કે આ પહેલા જૂનમાં ભારતીય રિઝર્વ બેંકે રેપો રેટના ભાવમાં વધારાની જાહેરાત કરી હતી. આરબીઆઇએ એ દરમિયાન 25 બેસિસ પોઇન્ટનો વધારો કર્યો હતો. રેપો રેટમાં થયેલા આ વધારા બાદ રેપો રેટ 6 ટકાથી વધીને 6.25 ટકા થઇ ગયો હતો. 

આરબીઆઇના આ નિર્ણય બાદ ઘણી બેંકોના લોનના દરોમાં વધારો કરી દીધો હતો.