- RBI શ્રીરામના ફોટોવાળી 500 રૂપિયાની નોટ જાહેર કરશે?
- 22 જાન્યુઆરીએ ભગવાન શ્રીરામના મંદિરની પ્રાણ પ્રતિષ્ઠા થશે
- મહાત્મા ગાંધીની જગ્યાએ શ્રીરામની તસવીર!
શું રિઝર્વ બેન્ક ઓફ ઈન્ડિયા 22 જાન્યુઆરી, 2024 ના રોજ ભગવાન શ્રીરામના ફોટોવાળી 500 રૂપિયાની નોટ જાહેર કરશે? અયોધ્યામાં 22 જાન્યુઆરીએ ભગવાન શ્રીરામના મંદિરની પ્રાણ પ્રતિષ્ઠા થશે. સોશિયલ મીડિયા પર અયોધ્યામાં ભગવાન શ્રીરામ અને રામ મંદિરના નિર્માણની તસવીરો સાથે 500 રૂપિયાની નોટનો ફોટો વાયરલ થઈ રહ્યો છે.
મહાત્મા ગાંધીની જગ્યાએ શ્રીરામની તસવીર!
500 રૂપિયાની નોટમાં રાષ્ટ્રપિતા મહાત્મા ગાંધીનો ફોટો અને પાછળની તરફ લાલ કિલ્લાનો ફોટો છે. સોશિયલ મીડિયા પર વાયરલ થઈ રહેલ 500 રૂપિયાની નોટના ફોટોમાં ભગવાન શ્રીરામ અને નોટની પાછળની તરફ રામ મંદિરનો ફોટો છે. સોશિયલ મીડિયા પર આ ફોટો ખૂબ જ વાયરલ થઈ રહ્યો છે.
વધુ વાંચો: રામલલાની આરતીમાં થવું છે સહભાગી? તો ઘરે બેઠાં આ રીતે મેળવો ઓનલાઇન પાસ, બસ ફૉલો કરો નીચેના સ્ટેપ્સ
શું RBI નવી નોટ જાહેર કરશે?
RBI દ્વારા ભગવાન શ્રીરામના ફોટોવાળી 500 રૂપિયાની નવી નોટ જાહેર કરવા અંગે કોઈ અધિકૃત જાણકારી આપવામાં આવી નથી. મીડિયા રિપોર્ટ અનુસાર સોશિયલ મીડિયા પર ભગવાન શ્રીરામના ફોટોવાળી વાયરલ થઈ રહેલ નોટ નકલી છે. વોઈસ ઓફ બેન્કિંગના સ્થાપક અશ્વની રાણાએ જણાવ્યું હતું કે, RBI દ્વારા આ પ્રકારની કોઈ જાહેરાત કરવામાં આવી નથી. જૂન 2022માં કહેવામાં આવી રહ્યું હતું કે, ચલણી નોટમાં મહાત્મા ગાંધીના ફોટોની જગ્યાએ બદલીને રવિન્દ્રનાથ ટાગોર અને મિસાઈલ મેન તથા પૂર્વ રાષ્ટ્રપતિ એપીજે કલામના ફોટોવાળી નોટ જાહેર કરવામાં આવશે. ત્યારબાદ RBIએ આ વાતને સંપૂર્ણપણે નકારી દીધી હતી.
