રેલ્વે સ્ટેશન પર ગીતો ગાઈને ગુજારો કરનારી રાનુ મંડલનો વીડિયો વાયરલ થયા બાદ તે રાતોરાત સુપરસ્ટાર બની ગયા હતા. રાનુ મંડલનો એક ગીત 'આશિકી મેં તેરી' રિલીઝ થયો અને આ સોન્ગને ફેન્સનો સારો રિસ્પોન્સ પણ મળી રહ્યો છે. તાજેતરમાં રાનુ મંડલ એક કાર્યક્રમમાં હાજરી આપવા સજી-ધજીને પાર્ટીમાં પહોંચ્યા હતા અને આ દરમિયાન તેમણે રેમ્પ વૉક પણ કર્યું હતું. રાનુ મંડલના આ અંદાજને જોઈને ત્યાં હાજર બધાં જ લોકો આશ્ચર્યમાં મૂકાઈ ગયા હતા અને હવે રાનુને તેના મેકઅપ અને સ્ટાઈલ માટે સોશિયલ મીડિયા પર ટ્રોલ કરવામાં આવી રહી છે અને તેમને લઈને હવે સોશિયલ મીડિયા પર મીમ બની રહ્યા છે અને લોકો તેમના મેકઅપનો મજાક ઉડાવી રહ્યાં છે.
રાતોરાત સ્ટાર બનેલા રાનુ મંડલની સોશિયલ મીડિયા પર ઉડી મજાક
મેકઅપ અને સ્ટાઈલ માટે થઈ રહ્યાં ટ્રોલ
સોશિયલ મીડિયા પર બની રહ્યાં છે મીમ
થોડાં સમય પહેલાં જ રાનુ મંડલ એક ફેનને સેલ્ફી ન આપવા અને તેની સાથે ખરાબ વર્તન કરવા પર ચર્ચામાં આવી ગયા હતા. તેમનો વીડિયો પણ ખૂબ વાયરલ થયો હતો. જેમાં રાનુનો આવો વ્યવહાર જોઈને બધાં જ આશ્ચર્યમાં મૂકાઈ ગયા હતા. જે બાદ સોશિયલ મીડિયા પર તેમને ખૂબ જ ટ્રોલ કરવામાં આવ્યા હતા અને હવે ફરી એકવાર પોતાના મેકઅપને કારણે તેઓ સોશિયલ મીડિયા પર ટ્રોલ થઈ રહ્યાં છે.
સોશિયલ મીડિયા સન્સેશન રાનુ મંડલ તેના એક વીડિયોથી સુપરસ્ટાર બની ગયા હતા. તેમનો આ વીડિયો રાણાઘાટ રેલ્વે સ્ટેશનનો હતો. જ્યાં તેઓ લતા મંગેશકરનું ગીત 'એક પ્યાર કા નગ્મા હૈ' ગાઈ રહ્યા હતા. રાનુ મંડલના અવાજથી ઈમ્પ્રેસ થઈને હિમેશ રેશમિયાએ તેમને પોતાની ફિલ્મમાં ગીત ગાવાની ઓફર કરી હતી. ખાસ વાત તો એ છે કે રાનુએ અત્યાર સુધીમાં હિમેશ સાથે મળીને એક નહીં પણ 3-3 ગીતો ગાયા છે. જેમાં તેરી મેરી કહાની, આદત ઔર આશિકી મેં તેરી સામેલ છે. હિમેશ રેશમિયા સિવાય લતાજીએ પણ રાનુની લોકપ્રિયતા જોઈને તેમની પ્રશંસા કરી હતી.