આજે ભાઈ બહેનના પવિત્ર સંબંધનું પર્વ છે. આજે વર્ષો બાદ વિશિષ્ટ સંયોગ બન્યો છે. જાણો શું છે આ સંયોગ અને રાખડી બાંધવાનો સાચો સમય કયો?
આજે રવિવાર, માસ શ્રાવણ, પક્ષ શુક્લ અને રક્ષાબંધનનું પર્વ છે. આજનો શુભ અંક છે 4 અને આજનો શુભ રંગ રહેશે લાલ અને નારંગી. આજે ભાઈ બહેનના પવિત્ર સંબંધનું પર્વ છે.
આ હશે રક્ષાબંધનમાં શુભ મૂહુર્ત
આ વખતે રક્ષાબંધન પર સવારે 5.50થી લઈને સાંજે 6.03 સુધી શુભ મુહૂર્ત છે એટલે તમે આ સમયે કોઈ પણ સમયે રાખડી બાંધી અથવા બંધાવી શકો છો. જ્યારે ભદ્ર કાળ 23 ઓગસ્ટની સવારે 5 વાગીને 34 મિનિટથી 6 વાગીને 12 મિનિટ સુધી રહેશે. આ દિવસે શુભ યોગ સવારે 10 વાગીને 34 મિનિટ સુધી રહેશે અને ધનિષ્ઠા નક્ષત્ર સાંજે 7 વાગીને 40 મિનિટ સુધી રહેશે. એવું કહેવામાં આવે છે કે ઘનિષ્ઠા નક્ષત્રમાં પેદા થનાર લોકોના પણ ભાઈ-બહેન સાથે સંબંધ ખાસ હોય છે.
જાણો શું છે ધનિષ્ઠા નક્ષત્ર?
જો કે સામાન્ય રીતે રક્ષાબંધનનો તહેવારે શ્રાવણ નક્ષત્રમાં જ આવે છે. જોકે આ વખતે આ શ્રાવણ પૂર્ણિમા પર ધનિષ્ઠા નક્ષત્રની સાથે ઉજવવામાં આવશે. જ્યોતિષિઓ અનુસાર આ વખતે રક્ષાબંધન ન પર ભદ્રાનો પડછાયો પણ નહીં રહે, માટે બહેન દિવસમાં ગમે ત્યારે રાખડી બાંધી શકશે. આ સમયે કુંભ રાશીમાં ગુરુની ચાલ વક્રી રહેશે અને તેની સાથે ચંદ્રમા પણ ત્યાં હાજર રહેશે.
આજે શું કરવું? : શિવજી પર શેરડીના રસથી અભિષેક કરવો
આજે શું ના કરવું? : નકારાત્મક વિચારોથી દૂર રહો
આજનો મંત્ર: ઓમ ઉમામહેશ્વરાભ્યાં નમ:
આજનું દાન: ગરીબોને વસ્ત્રનું દાન કરવું