શેરમાર્કેટ / 7 રૂપિયાનો શેર 1700એ પહોંચ્યો! 22000 ટકાનું આપ્યું રિટર્ન, દારૂ બનાવે છે કંપની

હકીકતમાં એક અહેવાલની અસર આ લિકર કંપનીઓના શેર પર પડી છે. તિલકનગર ઈન્ડસ્ટ્રીઝ લિમિટેડ, યુનાઈટેડ સ્પિરિટ્સ લિમિટેડ, યુનાઈટેડ બ્રેવરીઝ લિમિટેડ, રેડિકો ખેતાન લિમિટેડના શેર 8.48 ટકા વધીને રૂપિયા 262 થયા હતા. યુનાઈટેડ સ્પીટિસ 4.62 ટકા વધીને 1,449.45 રૂપિયા થયા હતા તેમજ યુનાઈટેડ બ્રુઅરીઝ 2.41 ટકા અને રેડિકો ખેતાન 1.29 ટકા વધીને 1,742.45 પર હતા.

આ શેરમાં કેમ તેજી આવી

એક રિપોર્ટ મુજબ, મુખ્યમંત્રી અને ચંદ્રબાબુ નાયડુ રાજ્યની આબકારી નીતિમાં ફેરફાર કરવા માગે છે. એમ કહી શકાય છે કે આ નવી નીતિ ટૂંક સમયમાં જાહેર કરવામાં આવશે. આ સાથે જ સ્થાનિક બ્રાન્ડની સાથે બહારની બ્રાન્ડનો પણ દારૂનો જથ્થો મંગાવી શકાશે. આ રિપોર્ટ આવતાની સાથે જ દારૂ કંપનીઓના શેરમાં જબરદસ્ત ઉછાળો જોવા મળ્યો હતો.

રિપોર્ટ્સના અનુસાર, રાજ્ય સરકારના અધિકારીઓએ પહેલાથી જ લોકપ્રિય ડિસ્ટિલરી અને બ્રુઅરીઝ સાથે વાતચીત શરૂ કરી દીધી છે. રિપોર્ટમાં જણાવવામાં આવ્યું છે કે, સીએમ નાયડુએ રાજ્યની વિધાનસભામાં આબકારી વિભાગ અને દારૂની ખરીદી અને કિંમતો સંબંધિત મુદ્દાઓ પર શ્વેતપત્ર રજૂ કર્યું હતું.

વધુ વાંચોઃ- શેર બજારનો આજે કેવો મૂડ? બજેટની અસર હજુ પણ વર્તાઇ, આ શેરમાં નુકસાન જ નુકસાન

આ શેર 7 રૂપિયાથી વધીને 1700 રૂપિયા સુધી પહોંચ્યા

દારૂ બનાવતી કંપની રેડિકો ખેતાનના શેરે છેલ્લા કેટલાક વર્ષોમાં રોકાણકારોને મોટો નફો કરાવ્યો છે. 20 જાન્યુઆરીના રોજ તેના શેરનો ભાવ 7.62 રૂપિયા હતો પરંતુ હવે તે 1742 રૂપિયાના ભાવે પહોંચી ગયા છે. રેડિકો ખેતાને આ સમયગાળા દરમિયાન 22,760,89 જેટલું વળતર આપ્યું છે. જ્યારે એક વર્ષમાં તેને 25 ટકા વળતર આપ્યું છે.