સ્પોર્ટ્સ / કરોડોનો માલિક છે આર. અશ્વિન, નેટવર્થનો આંકડો જાણીને દંગ રહી જશો

ભારતીય ઓફ સ્પિનર રવિચંદ્રન અશ્વિને બુધવારે IPLમાંથી નિવૃત્તિની જાહેરાત કરી, IPL સાથેના તેના 16 વર્ષ લાંબા જોડાણનો અંત લાવ્યો છે. અશ્વિને સોશિયલ મીડિયા પોસ્ટ દ્વારા આ જાહેરાત કરી હતી. અશ્વિને 'X' પર લખ્યું કે, "કહેવાય છે કે દરેક અંત સાથે એક નવી શરૂઆત થાય છે. IPL ક્રિકેટર તરીકે મારો સમય આજે સમાપ્ત થઈ રહ્યો છે પરંતુ વિવિધ લીગમાં રમતની ખોજ માટે મારો સમય આજથી શરૂ થાય છે. હું વર્ષોથી શાનદાર યાદો અને સંબંધો માટે દરેક ફ્રેન્ચાઇઝીઓનો આભાર માનું છું અને સૌથી અગત્યનું IPL અને BCCIનો જેમને અત્યાર સુધી મને જે કંઈ આપ્યું છે તે બદલ આભાર માનું છું."

• IPLમાં રવિચંદ્રન અશ્વિન

રવિચંદ્રન અશ્વિને 2008 માં ચેન્નઈ સુપર કિંગ્સ સાથે તેની IPL કરિયરની શરૂઆત કરી હતી. આગામી સીઝન 2010 માં તે  તેના કેરમ બોલ માટે ઓળખાયો હતો. CSK ના બે વર્ષના સસ્પેન્શન બાદ અશ્વિનને 2016 ના IPL પ્લેયર ડ્રાફ્ટમાં રાઇઝિંગ પુણે સુપરજાયન્ટ્સ દ્વારા પસંદ કરવામાં આવ્યો હતો. 2018 માં અશ્વિન હરાજીમાં ગયો હતો. કિંગ્સ XI પંજાબે તેને હરાજીમાં 7.6 કરોડ રૂપિયામાં ખરીદ્યો અને તેને પોતાનો કેપ્ટન બનાવ્યો હતો. 2020-21 સીઝનમાં, રવિચંદ્રન અશ્વિન દિલ્હી કેપિટલ્સ માટે રમ્યો હતો.

• અશ્વિનની નેટવર્થ
  BCCI તરફથી તેને પગાર તરીકે ઓછામાં ઓછા 5 કરોડ રૂપિયા મળતા હતા, IPLમાંથી ઘણું કમાયો હતો.
  2024 માં રાજસ્થાન રોયલ્સ સાથે અશ્વિનનો IPL પગાર 5 કરોડ રૂપિયા હતો. IPL 2025 માં CSKએ આ અનુભવી બોલરને 9.75 કરોડ રૂપિયામાં ખરીદીને તેમની ટીમમાં સામેલ કર્યો હતો. તેને BCCI તરફથી પગાર તરીકે ઓછામાં ઓછા 5 કરોડ રૂપિયા મળતા હતા.
  
  
• વિવિધ બ્રાન્ડ્સ અને જાહેરાતોનો કરે છે પ્રચાર
  રવિચંદ્રન અશ્વિનનું વિવિધ બ્રાન્ડ્સ અને જાહેરાતો સાથે જોડાણ તેની આવકનો એક મહત્વપૂર્ણ સ્ત્રોત રહ્યો છે, જે તેની  કમાણીમાં વધારો કરે છે. તે તેમના કોન્ટ્રાક્ટ માટે દર વર્ષે જાહેરાત ફી તરીકે અંદાજિત 4.5-5 કરોડ રૂપિયા લે છે.
  
• અશ્વિન રહે છે એક આલીશાન ઘરમાં
  

અશ્વિન વિવિધ બ્રાન્ડ્સ સાથે સંકળાયેલો છે. અશ્વિનના બ્રાન્ડ એન્ડોર્સમેન્ટની યાદીમાં ઝૂમકાર, મૂવ, મિન્ત્રા, મન્ના હેલ્થ, બોમ્બે શેવિંગ કંપની, ઓપ્પો, એરિસ્ટોક્રેટ બેગ્સ અને કોલગેટનો સમાવેશ થાય છે. રવિચંદ્રન અશ્વિનની રિયલ એસ્ટેટમાં 2021 માં ખરીદેલું તેમનું વૈભવી ચેન્નઈમાં આવેલું ઘર પણ શામેલ છે, જ્યાં તે હવે તેની પત્ની અને બે પુત્રીઓ સાથે રહે છે

• કાર કલેક્શનમાં Audi Q7નો સામેલ
  

આર અશ્વિનના કાર કલેક્શનમાં જોરદાર વાહનોનો અદ્ભુત સંગ્રહ છે, જેમાં 6 કરોડ રૂપિયાની રોલ્સ રોયસ અને 93 લાખ રૂપિયાની ઓડી Q7નો સમાવેશ થાય છે. રવિચંદ્રન અશ્વિનની કુલ સંપત્તિ લગભગ 135 કરોડ રૂપિયા છે.

• હવે યુટ્યુબ ચેનલથી પણ કરી રહ્યો છે કમાણી
  

આંતરરાષ્ટ્રીય ક્રિકેટથી અલગ થયા બાદ અશ્વિન હવે તેની યુટ્યુબ ચેનલથી પણ ઘણી કમાણી કરી રહ્યો છે. ફેન્સ તેની યુટ્યુબ ચેનલને પણ ખૂબ પસંદ કરી રહ્યા છે.

• અશ્વિને 2024 માં ઇન્ટરનેશનલ ક્રિકેટમાંથી લીધી નિવૃત્તિ
  

38 વર્ષીય ખેલાડીએ ગયા વર્ષે ડિસેમ્બરમાં ઓસ્ટ્રેલિયા પ્રવાસ દરમિયાન ઇન્ટરનેશનલ ક્રિકેટમાંથી નિવૃત્તિ લીધી હતી. તે અનિલ કુંબલે (619) પછી ટેસ્ટ મેચોમાં ભારતનો બીજો સૌથી વધુ વિકેટ લેનાર બોલર (537) છે. IPLમાં અશ્વિને 2009 માં ચેન્નઈ સુપર કિંગ્સ માટે ડેબ્યૂ કર્યું હતું. એક દાયકાના લાંબા વિરામ બાદ 9.75 કરોડ રૂપિયામાં સુપર કિંગ્સમાં જોડાયા બાદ તેને IPL 2025 માં તે જ ટીમ માટે તેની છેલ્લી મેચ રમી હતી.

વધુ વાંચો : કેમ આર. અશ્વિને IPLમાંથી લીધી નિવૃત્તિ? સામે આવ્યા 3 મોટા કારણો

અશ્વિને IPLની 220 મેચોમાં 30.22 ની એવરેજથી 187 વિકેટ લીધી હતી, જેમાં તેનું બેસ્ટ પ્રદર્શન 34 રનમાં ચાર વિકેટ છે. બેટથી તેને 50 ના સૌથી વધુ સ્કોર અને 13.02 ની એવરેજ સાથે 833 રન બનાવ્યા હતા. અશ્વિન 2010 અને 2011 માં સુપર કિંગ્સની ટાઇટલ જીતમાં મહત્વપૂર્ણ હિસ્સો હતો. તે તેની IPL કારકિર્દી દરમિયાન રાઇઝિંગ પુણે સુપરજાયન્ટ્સ, પંજાબ કિંગ્સ, દિલ્હી કેપિટલ્સ અને રાજસ્થાન રોયલ્સ માટે પણ રમ્યો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ