વિદેશ યાત્રા / SCO સમિટ માટે ઉઝબેકિસ્તાનના સમરકંદ પહોંચ્યાં PM મોદી, એરપોર્ટ પર થયું જોરદાર સ્વાગત

• ઉઝબેકિસ્તાન પહોંચ્યાં પ્રધાનમંત્રી મોદી
• સમરકંદ એરપોર્ટ પર થયું સ્વાગત 
• SCO સમિટ માટે આવ્યાં છે
• વૈશ્વિક નેતાઓને મળશે

ઉઝબેકિસ્તાની શહેર સમરકંદમાં બે દિવસીય SCO સમિટનો પ્રારંભ થયો છે. ગુરુવારે સાંજે પ્રધાનમંત્રી મોદીનું વિમાન પણ સમરકંદ એરપોર્ટ પર ઉતર્યું હતું. સમરકંદ એરપોર્ટ પર પીએમ મોદીનું ગર્મજોશીથી સ્વાગત કરવામાં આવ્યું હતું. 

SCOમાં કેટલા દેશ
SCOમાં ટોટલ 12 દેશ સામેલ છે જેમાં આઠ પૂર્ણકાલિન અને ચાર પ્રેક્ષક દેશનો સમાવેશ થાય છે. પીએમ મોદી બેઠકમાં ભાગ લેવા માટે સમરકંદ પહોંચનાર છેલ્લા નેતા બન્યાં. મોડેથી પહોંચતા પીએમ મોદી ડિનરમાં ભાગ લઈ શક્યા નહોતા. મોદી ત્યાં ફક્ત 24 કલાક રોકાશે અને મુખ્ય સમારોહ પૂરો થયા બાદ તરત શુક્રવારે રાત દિલ્હી તરફ રવાના થશે. 

Landed in Samarkand to take part in the SCO Summit. pic.twitter.com/xaZ0pkjHD1

— Narendra Modi (@narendramodi) September 15, 2022

ઉઝબેકિસ્તાનના રાષ્ટ્રપતિના નિમંત્રણ પર પીએમ મોદી આવ્યાં 
ઉઝબેકિસ્તાનના રાષ્ટ્રપતિના નિમંત્રણ પર પીએમ મોદી SCOની બેઠકમાં ભાગ લેવા માટે 15-16 સપ્ટેમ્બરે સમરકંદ આવ્યાં છે. સમરકંદ રવાના થતા પહેલા પીએમ મોદીએ ગુરૂવારે નિવેદન જાહેર કર્યું હતું. જેમાં પ્રધાનમંત્રીએ કહ્યુ કે તે સમૂહની અંદર વર્તમાન મુદ્દા, વિસ્તાર અને સહયોગને આગળ વધારવા વિશે વિચારોનું આદાન-પ્રદાન કરવાને લઈને ઉત્સુક છે. 

Prime Minister Narendra Modi arrives in Samarkand, Uzbekistan.

He will attend the 22nd Meeting of the Council of Heads of State of the Shanghai Cooperation Organization (SCO) here. pic.twitter.com/WxAOrcFX6I

— ANI (@ANI) September 15, 2022

પીએમ મોદી કરશે વૈશ્વિક નેતાઓ સાથે મુલાકાત
શુક્રવારે પીએમ મોદી સમિટમાં રશિયાના રાષ્ટ્રપતિ વ્લાદિમીર પુતિન, ઉઝ્બેકિસ્તાન અને ઈરાનના રાષ્ટ્રપતિ ઇબ્રાહિમ રઈસી સાથે દ્વિપક્ષીય બેઠક કરશે. પીએમ મોદીની ચીનના રાષ્ટ્રપતિ શી જિનપિંગ સાથે કોઈ દ્વિપક્ષીય બેઠક કે મુલાકાત અને પાકિસ્તાનના પીએમ શરીફને મળવા પર હજુ સુધી વિદેશ મંત્રાલયે કોઈ માહિતી આપી નથી.શુક્રવાર 16 સપ્ટેમ્બરે ભારતીય સમયાનુસાર સવારે 10 કલાક બાદ એસસીઓ સભ્ય દેશોના પ્રમુખોની બેઠક થશે.