તમારા કામનું / PPF-NPS કે SSYમાં કર્યું છે રોકાણ, તો તુરંત પતાવી દેજો આ કાર્ય, નહીંતર એકાઉન્ટ થઈ જશે ફ્રીઝ

પબ્લિક પ્રોવિડન્ટ ફંડ, સુકન્યા સમૃદ્ઘિ યોજના અને નેશનલ પેન્શન સિસ્ટમમાં રોકાણકારો દર નાણાંકીય વર્ષે ખાતામાં ન્યૂનતમ રકમ જમા કરાવવી પડે છે. આ યોજનાઓના ખાતાને એક્ટિવ રાખવા માટે વર્ષમાં એકવાર ન્યૂનતમ રકમ જમા કરાવવી પડે છે. જો વ્યક્તિ ન્યૂનતમ વાર્ષિક રકમ જમા ના કરી શકે તો એકાઉન્ટ ફ્રીઝ થઈ શકે છે અને દંડ પણ થઈ શકે છે. પબ્લિક પ્રોવિડન્ટ ફંડ, સુકન્યા સમૃદ્ઘિ યોજના અને નેશનલ પેન્શન સિસ્ટમમાં ન્યૂનતમ રકમ જમા કરવાની છેલ્લી તારીખ 31 માર્ચ 2024 છે. 

નવી ટેક્સ વ્યવસ્થા 
સરકારે નવી ટેક્સ વ્યવસ્થાને વધુ આકર્ષક બનાવી છે. 1 એપ્રિલ 2023થી નવી ટેક્સ વ્યવસ્થા હેઠળ ઈન્કમટેક્સ સ્લેબમાં ફેરફાર કર્યો છે. નાણાંકીય વર્ષમાં બેઝિક છૂટ લિમિટ 2.5 લાખ રૂપિયાથી વધારીને 3 લાખ રૂપિયા કરી દીધી છે. નવી ટેક્સ વ્યવસ્થામાં સ્ટાન્ડર્ડ ડિડક્શન ઉપલબ્ધ કરાવવામાં આવ્યું છે, જેથી 7 લાખ રૂપિયાની આવક પર ઝીરો ટેક્સ ચૂકવવાનો રહે છે. 

નવી ટેક્સ વ્યવસ્થામાં આ લાભ મળશે
જો તમે જૂની ટેક્સ વ્યવસ્થા હેઠળ ટેક્સ ચૂકવી રહ્યા છો, તો તમે પબ્લિક પ્રોવિડન્ટ ફંડ, સુકન્યા સમૃદ્ઘિ યોજના અને નેશનલ પેન્શન સિસ્ટમ જેવી ટેતક્સ સેવિંગ સ્કીમમાં રોકાણ કરી રહ્યા હશો. જો તમે નાણાંકીય વર્ષ 2023-24 માટે નવી ટેક્સ વ્યવસ્થા હેઠળ કર ચૂકવણી કરો તો આ યોજનાઓ પર મળતા ટેક્સ છૂટનો લાભ મળી શકતો નથી. 

વધુ વાંચો: માત્ર YouTube પર Video જોઇ ખેડૂતે શરૂ કર્યો આ બિઝનેસ, આજે કમાય છે લાખોમાં

• સુકન્યા સમૃદ્ધિ યોજનાના નિયમ અનુસાર ખાતાધારકે નાણાંકીય વર્ષ દરમિયાન ન્યૂનતમ 250 રૂપિયા જમા કરવા જરૂરી છે, નહીંતરે તે એકાઉન્ટને ડિફોલ્ટ એકાઉન્ટ માનવામાં આવશે. 
• NPS યોજનાના નિયમ અનુસાર કોઈ વ્યક્તિએ દર નાણાંકીય વર્ષમાં ન્યૂનતમ 1,000 રૂપિયા જમા કરવા જરૂરી છે. 
• PPF નિયમ 2019 અનુસાર દર નાણાંકીય વર્ષમાં PPF એકાઉન્ટમાં ન્યૂનતમ 500 રૂપિયા જમા કરવા જરૂરી છે, નહીંતર તે એકાઉન્ટ ડીએક્ટિવેટ થઈ જશે. 

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો