મધ્યપ્રદેશ / જીત થઈ હોવા છતાં પણ ચૂંટણી વખતે ખાધેલી કસમ કોંગ્રેસ ધારાસભ્યએ કરી પૂર્ણ, જાતે જ 'મોં કર્યું કાળું', જુઓ વીડિયો

• મધ્યપ્રદેશ વિધાનસભા ચૂંટણીનાં પરિણામો બાદ ફૂલસિંહ ચર્ચામાં
• વાયદો કર્યો હતો કે ભાજપ 50 સીટો પર જીતશે તો હું મોઢું કાળું કરીશ
• વાયદો પૂરો કરવા આજે ફૂલસિંહ બરૈયા રાજભવન પહોંચ્યાં હતાં

મધ્યપ્રદેશ વિધાનસભા ચૂંટણીનાં પરિણામો આવ્યાં બાદથી કોંગ્રેસ નેતા ફૂલસિંહ બરૈયા ચર્ચામાં છે. પરિણામો પહેલાં તેમણે કહ્યું હતું કે જો પ્રદેશમાં ભાજપને 50 સીટો મળી જશે તો તેઓ પોતાનું મોઢું કાળું કરી દેશએ. આ માટે તેમણે તારીખ અને સ્થાન પણ જણાવ્યું હતું અને કહ્યું હતું કે 7 ડિસેમ્બરનાં ભોપાલ રાજભવનની સામે બપોરે 2 વાગ્યે તેઓ પોતાના હાથે પોતાનું મોઢું કાળું કરશે.

#WATCH | Madhya Pradesh: Congress MLA Phool Singh Baraiya smears black ink on the posters showing EVM outside Raj Bhavan in Bhopal, in the presence of Congress leader Digvijaya Singh. pic.twitter.com/Y2yzar2M9i

— ANI (@ANI) December 7, 2023

કાળો ટીકો
7 ડિસેમ્બર એટલે કે આજે જ ભાંડેર વિધાનસભા સીટથી ચૂંટણી જીતેલા ફૂલસિંહ બરૈયા પૂર્વ મુખ્યમંત્રી દિગ્વિજય સિંહ અને પાર્ટીનાં અન્ય નેતાઓ- કાર્યકર્તાઓની સાથે રાજભવનની બહાર પહોંચ્યાં હતાં. અહીં દિગ્વિજય સિંહે ધારાસભ્યનાં ચહેરા પર કાળો ટીકો લગાડ્યો. આ દરમિયાન ધારાસભ્યે તેમને વધારે કાળા ટીકા લગાડવા માટે કહ્યું તો દિગ્વિજય સિંહે ના પાડી દીધી. 

VIDEOP | Congress MLA Phool Singh Baraiya gets his face blackened by party leader Digvijaya Singh outside the Raj Bhavan in Bhopal.

Baraiya had claimed ahead of the MP Assembly polls that he would blacken his face if the BJP gets more than 50 seats. The BJP retained power in… pic.twitter.com/2k4BhYQ6Xq

— Press Trust of India (@PTI_News) December 7, 2023

જે વાયદો કર્યો એ પૂરો કર્યો..
મીડિયા સાથેની વાતચીત દરમિયાન ફૂલસિંહ બરૈયાએ કહ્યું કે લોકતંત્ર અને બંધારણની રક્ષા કરવા માટે કાળો રંગ લગાડ્યો છે. જે વાયદો કર્યો હતો તેને પૂરો કર્યો છે. દિગ્વિજય સિંહએ તો ના પાડી હતી પણ મને મારો વાયદો પૂરો કરવો હતો. લોકતંત્ર માટે મારી અને કોંગ્રેસની આ લડાઈ ચાલુ રહેશે.

બરૈયાને કોઈની નજર ન લાગે- દિગ્વિજય સિંહ
તો પૂર્વ મુખ્યમંત્રી દિગ્વિજય સિંહે કહ્યું કે હું ફૂલસિંહ બરૈયાજીને વધામણી આપું છું કે તેઓ પોતાના વચનનાં પાકા રહ્યાં. મેં એમને રોક્યું હતું પણ તેમનું વચન તો સાચું નિકળ્યું. પોસ્ટલ બેલ્ટમાં ભાજપને 50થી તો ઓછી સીટ મળી. જેમના પર તેમની લીડ હતી. તેના માટે તેમણે તો કોઈ મોઢું કાળું કરવાની જરૂર નથી.  મોઢું તો ભાજપે કાળું કરવું જોઈએ જે પ્રકારે તેમણે લોકતંત્રની હિંસા કરી છે.