- પુડુચેરી પ્રશાસને કોટન કેન્ડીના વેચાણ પર સંપૂર્ણ પ્રતિબંધ લગાવવાનો નિર્ણય લીધો
- રાજ્યપાલે લોકોને કહ્યું, બાળકો માટે કોટન કેન્ડી ( બુદ્ધિના બાલ ) ખરીદવાનું ટાળો
- ખાદ્ય સુરક્ષા અધિકારીઓએ કોટન કેન્ડી માં રોડમાઇન-બી નામનું ઝેરી પદાર્થની માત્રા મળી
Cotton candy Banned : તમે બધાએ બાળપણમાં નરમ અને ગુલાબી દેખાતી મીઠી વાનગીનો સ્વાદ ચાખ્યો હશે. તેને વેચતા લોકો મોટાભાગે મેળાઓ, લગ્નો, ગામડાઓ અને શહેરોની શેરીઓમાં જોવા મળે છે. બાળકો તેને તેમના માતાપિતા અથવા સંબંધીઓ પાસેથી મેળવવાનો આગ્રહ રાખે છે અને કેમ નહીં, તેનો સ્વાદ ખૂબ જ આકર્ષક છે. આપણે વાત કરી રહ્યા છીએ કોટન કેન્ડી ની. સામાન્ય રીતે લોકો તેને ' બુદ્ધિના બાલ ' ના નામથી પણ ઓળખે છે. કોટન કેન્ડી ( બુદ્ધિના બાલ ) નો ઉલ્લેખ અહીં એટલા માટે કરવામાં આવી રહ્યો છે કારણ કે કેન્દ્રશાસિત પ્રદેશ પુડુચેરીના અધિકારીઓને તપાસ દરમિયાન તેમાં હાનિકારક (ઝેરી) રસાયણો મળ્યા છે. આ પછી, પુડુચેરી પ્રશાસને કોટન કેન્ડીના વેચાણ પર સંપૂર્ણ પ્રતિબંધ લગાવવાનો નિર્ણય લીધો છે. જાણો શા માટે સરકારે તેના પર પ્રતિબંધ મૂક્યો અને એડવાઈઝરી જાહેર કરી.
રાજ્યપાલે કોટન કેન્ડી ( બુદ્ધિના બાલ ) પર પ્રતિબંધ મૂકવાની માહિતી આપી
પુડુચેરીના લેફ્ટનન્ટ ગવર્નર તમિલિસાઈ સુંદરરાજને તાજેતરમાં તેમના સત્તાવાર સોશિયલ મીડિયા એકાઉન્ટ્સ પર એક વિડિયો બહાર પાડ્યો હતો અને કોટન કેન્ડી ( બુદ્ધિના બાલ ) પર પ્રતિબંધ વિશે માહિતી આપી હતી. જેમાં તેમણે લોકોને અપીલ કરી છે કે, તેઓ તેમના બાળકો માટે કોટન કેન્ડી ( બુદ્ધિના બાલ ) ખરીદવાનું ટાળે, કારણ કે તેમાં રહેલા હાનિકારક રસાયણો સ્વાસ્થ્ય માટે હાનિકારક છે.
ખાદ્ય સુરક્ષા અધિકારીઓએ કોટન કેન્ડી ( બુદ્ધિના બાલ ) નું પરીક્ષણ કર્યું અને તેમાં રોડમાઇન-બી (Rhodamine-B) નામના ઝેરી પદાર્થની માત્રા મળી આવી. લેફ્ટનન્ટ ગવર્નરે લોકોને વધુ એક સલાહ આપી છે. જે મુજબ બાળકોએ આવી ખાદ્ય સામગ્રી ખરીદવાનું ટાળવું જોઈએ જેમાં કલર માટે કેમિકલનો ઉપયોગ કરવામાં આવે. તમિલસાઈ સુંદરરાજને એડવાઈઝરી જાહેર કરતો એક વીડિયો પોસ્ટ કર્યો છે.
Rhodamine B કેન્સરનું કારણ બની શકે છે
નોંધનિય છે કે, પ્રશાસનના નિર્દેશો પર ફૂડ સેફ્ટી ડિપાર્ટમેન્ટની એક ટીમે પુડુચેરીના અલગ-અલગ વિસ્તારોમાંથી કોટન કેન્ડી ( બુદ્ધિના બાલ ) ના સેમ્પલ લીધા અને લેબમાં ટેસ્ટ કરાવ્યા. હવે ઝેરી પદાર્થ મળી આવતાં કેટલીક દુકાનોને સીલ મારવામાં આવી છે. બીજી તરફ નેશનલ ઇન્સ્ટિટ્યૂટ ઑફ હેલ્થ (NIH.gov) અનુસાર રોડામાઇન બી જેને સામાન્ય રીતે RhB તરીકે પણ ઓળખવામાં આવે છે. તે એક રાસાયણિક સંયોજન છે. જેનો ઉપયોગ રંગ તરીકે થાય છે. ખાદ્ય પદાર્થો સાથે શરીરમાં પ્રવેશ્યા પછી તે કોષો અને પેશીઓ પર વિતરિત અસર ધરાવે છે. લાંબા સમય સુધી RhB મિશ્રિત ખોરાક ખાવાથી કેન્સર અથવા લીવરને નુકસાન થઈ શકે છે. અતિશય માત્રામાં તેની હાજરી ઝેર જેવી સ્થિતિનું કારણ બની શકે છે.
વધુ વાંચો: કોણ છે એ સાત ચહેરા? જેમને BJP યુપી ક્વોટામાંથી મોકલી રહી છે રાજ્યસભા, એક તો ક્યારેક રાહુલ ગાંધીથી હતા ખાસ નજીક
શું છે આ કોટન કેન્ડી ( બુદ્ધિના બાલ )?
કોટન કેન્ડીને ગામડાઓમાં ફેરી ફ્લોસ અથવા બુદ્ધિના બાલ પણ કહેવામાં આવે છે. આ પરંપરાગત ભારતીય મીઠાઈ કે નાસ્તો નથી. કોટન કેન્ડી ( બુદ્ધિના બાલ ) એ એક પ્રકારની કાંતેલી ખાંડ છે, જે ઘણા દેશોમાં લોકપ્રિય છે. તે ખાંડની ચાસણીમાંથી બનાવવામાં આવે છે, પછી નાના છિદ્રો દ્વારા કાંતવામાં આવે છે. જ્યાં તે મધ્ય હવામાં થીજી જાય છે અને લાકડી અથવા શંકુ પર જમા થાય છે. તે વિવિધ રંગોમાં બનાવવામાં આવે છે.
